નારાજગી / અધિકારીઓની ઢીલાશના કારણે...: જમીન સંપાદનના વળતરની ચૂકવણી મુદ્દે ગુજરાત હાઇકોર્ટ લાલઘૂમ

Kishor

Last Updated: 04:26 PM, 11 January 2023

FOLLOW ON

શેર કરો

જમીન સંપાદન વળતર અધિકારીઓની ઢીલાશના કારણે વિલંબ થતા આજે હાઇકોર્ટે આકરા પાણીએ થઈ હતી.જેમાં સબંધિત વિભાગને સૂચન આપ્યા બાદ આળસુ અધિકારીઓ સામે પગલાં ભરવા પણ તાકીદ કરી છે.

જમીન સંપાદનના વળતર ચૂકવણી મુદ્દે હાઈકોર્ટની સરકાર સામે નારાજગી
સુનાવણી દરમિયાન હાઈકોર્ટનું અવલોકન
આવા અધિકારીઓના કારણે સરકાર બદનામ થાય છે: HC

જમીન સંપાદનના વળતર ચૂકવણી મુદ્દે હાઈકોર્ટ લાલઘૂમ થઈ છે. અધિકારીઓની ઢીલાસના કારણે વળતર ચૂકવણીમાં વિલંબ થતા હાઇકોર્ટે આ મામલે સરકાર સામે નારાજગી વ્યક્ત કરી છે. કેસની સુનાવણી દરમિયાન અવલોકન કરતા હાઈકોર્ટએ કહ્યું કે આવા અધિકારીઓના કારણે સરકાર બદનામ થાય છે. સરકાર સારી નીતિ બનાવે પણ અધિકારીઓ અમલવારીમાં ઢીલાશ દાખવે છે. જેને પરિણામે યોજન ધારી સફળ થતી નથી.

અધિકારીઓના લિધે જમીન ગુમાવનારા સાથે અન્યાય: કોર્ટ

વધુમાં કોર્ટે કહ્યું કે વળતરના નાણાની ચુકવણીમાં વિલંબ થતા અધિકારીઓના લિધે જમીન ગુમાવનારા સાથે અન્યાય થઇ રહ્યો છે. વધુમાં પ્રજાની મહેનતના ટેક્સના રૂપિયાનો દુર્વ્યય પણ થઈ રહ્યો છે. ટેક્સ ભરનારના પૈસા અધિકારીઓની ઢીલાશથી વેડફાય એ ન ચાલે તેવું પણ કોર્ટે કહ્યું હતું.

ઢીલાશ દાખવતા અધિકારીઓ સામે પગલાં લેવા તાકીદ

તો હાઇકોર્ટે રાજ્યના ચીફ સેક્રેટરીને આદેશ કરી જણાવ્યું કે સેક્રેટરી અને જે તે જિલ્લાના કલેક્ટર જમીન સંપાદનના સરકારના પરિપત્રની તાત્કાલિક અમલવારી કરાવે. આ દરમિયાન કામગીરીમાં ઢીલાશ દાખવતા અધિકારીઓ સામે શિક્ષાત્મક કાર્યવાહી સહિતના પગલાં લેવા પણ હાઇકોર્ટે તાકીદ કરી દીધી છે.

સંકળાયેલા મુદ્દાઓ

ahmedabad અધિકારીઓની ઢીલાશ અવલોકન જમીન સંપાદન હાઇકોર્ટે Gujarat High court