બિહાર રાજનીતિ / નીતિશે મારી પલટી તો બેસી નહીં રહે લાલુ યાદવ, કરી શકે 'મહારાષ્ટ્રવાળો' ખેલ- માંઝીનો પણ ભાવ આવ્યો

• બિહારમાં નીતિશનું એનડીએમાં જવાનું ફાઈનલ
• સક્રિય થયાં લાલુ પ્રસાદ યાદવ
• જોડતોડ દ્વારા સરકાર રચવાની કરી તૈયારી 

નીતિશ અલગ થઈ જાય તો સરકાર કેવી રીતે રચવી તેને લઈને આરજેડી સુપ્રીમો લાલુપ્રસાદ યાદવે બાગડોર સંભાળી છે. લાલુની પાર્ટી આરજેડી વિધાનસભામાં સૌથી મોટી પાર્ટી છે અને તેના 79 ધારાસભ્યો છે. આરજેડી સુપ્રીમો લાલુ યાદવ પાસે બે વિકલ્પ છે. સૌપ્રથમ, વર્તમાન સરકારમાંથી સમર્થન પાછું ખેંચીને સૌથી મોટી પાર્ટીને નાતે રાજ્યપાલને 122 ધારાસભ્યોને યાદી આપે, રાજ્યપાલ સ્વીકારે તો આરજેડીની સરકાર બની શકે છે. આરજેડી ફક્ત ત્યારે જ સરકાર બનાવી શકે કે જ્યારે રાજ્યપાલ આરજેડીને મોટી પાર્ટી માનીને તેજસ્વી યાદવને સરકાર બનાવવાનું આમંત્રણ આપે. જો આવું થાય છે, તો RJD સુપ્રીમો ફ્લોર ટેસ્ટમાં જીતી શકે છે.

#WATCH | Patna: RJD MP Manoj Kumar Jha says, "A positive meeting was held. Discussion on several things was done. All the issues whether from the national or state level, everything were discussed during the meeting. It was a legislature meeting, Lalu Yadav, Dy CM (Tejashwi… pic.twitter.com/mNFBgP2F6x

— ANI (@ANI) January 27, 2024

ફ્લોર ટેસ્ટમાં RJD કેવી રીતે જીતી શકે?
જો રાજ્યપાલ આરજેડીની અરજી સ્વીકારે છે અને તેમને ગૃહમાં બહુમત સાબિત કરવા કહે તો લાલુ યાદવને તેમની તમામ વ્યૂહરચના બતાવવાની તક મળી શકે છે. બિહાર વિધાનસભાના સ્પીકર અવધ બિહારી ચૌધરી આરજેડી ક્વોટામાંથી છે અને વિધાનસભાના અધ્યક્ષ પાસે અમર્યાદિત સત્તા છે. વિધાનસભા અધ્યક્ષ આરજેડીને અલગ જૂથનો દરજ્જો આપીને સરકાર બનાવવા માટે આમંત્રણ આપી શકે છે, મહારાષ્ટ્રમાં પણ આવું જ થયું હતું. વિધાનસભા અધ્યક્ષે શિંદે જૂથને અલગ જૂથ તરીકે માન્યતા આપી હતી. બીજી સ્થિતિ એ છે કે જેડીયુ કેટલાક ધારાસભ્યોને ગેરહાજર રાખીને ગૃહમાં બહુમત સાબિત કરી શકે છે. અથવા લાલુ પ્રસાદ મેજિક નંબર મેળવવા માટે કેટલાક ધારાસભ્યોના રાજીનામા મેળવીને પોતાની રણનીતિને અસરકારક બનાવી શકે છે.

#WATCH | On the current political situation in Bihar, RJD MLA Ritlal Yadav says, "No one has betrayed our Lalu Prasad Yadav nor can anyone betray him. Only the public can betray him, otherwise, no one has that power. It doesn't matter whether we are in the government or not, we… pic.twitter.com/14My3Ehsbm

— ANI (@ANI) January 26, 2024

લાલુએ જીતનરામ માંઝીને કરી સીએમ પદની ઓફર 
RJDએ જીતન રામ માંઝીને રાજ્યના મુખ્યમંત્રી બનાવવાની ઓફર કરી છે. જીતન રામ માંઝી હમ (HAM)ના નેતા છે અને તેમની પાર્ટીના વિધાનસભામાં ચાર ધારાસભ્યો છે જ્યારે RJD પાસે સૌથી વધુ 79 ધારાસભ્યો છે. જીતન રામ માંઝી બિહારના સીએમ રહી ચૂક્યા છે.  જોકે માંઝીની પાર્ટીએ લાલુની ઓફર ફગાવી દીધી છે.  પાર્ટીના પ્રવક્તા ડેનિશ રિઝવાને કહ્યું કે, 'જો RJD વડાપ્રધાનનો ઉમેદવાર આપે તો પણ તેમની સાથે નહીં જઈએ. અમે વડાપ્રધાન નરેન્દ્ર મોદીની સાથે છીએ અને રહીશું. બિહારમાં થોડાક કલાકોમાં મોટું પરિવર્તન આવશે. અમારા માટે પદ નહીં પરંતુ બિહારનો વિકાસ મહત્વનો છે. અમે NDA સાથે એક છીએ અને અમારા ધારાસભ્યો પણ સાથે છે.