પ્રસંગ / ભારતના પૂર્વ વડાપ્રધાન લાલ બહાદુર શાસ્ત્રીએ આ કારણે ટ્રેજેડી ક્વિન મીના કુમારીની માંગી હતી માફી, જાણો કેમ

• લાલ બહાદૂર શાસ્ત્રીએ મીનાની માંગી હતી માફી 
• મુંબઇ આવીને શૂટિંગ જોવા ગયા હતા શાસ્ત્રી
• બોલીવૂડમાં 7 વર્ષની ઉંમરથી છવાઇ હતી મીના કુમારી

બાળપણથી લઇને ફિલ્મો સુધીની તેમની સફર ખુબસુરત રહી છે. પ્રેમથી લઇને લગ્નજીવન અને દારૂની લત સુધી મીનાકુમારીએ જીવનમાં ઘણુ સહન કર્યુ હતુ. આ જ કારણ છે કે લોકો તેને ટ્રેજેડી ક્વિનના નામે બોલાવવા લાગ્યા હતા. તેનો એક કિસ્સો પણ ફેમસ છે જ્યાં દેશના પ્રધાનમંત્રી લાલ બહાદુર શાસ્ત્રીએ એક્ટ્રેસની માફી માંગી હતી. 

મીનાકુમારીએ 1939થી 1972 સુધી ફિલ્મોમાં કામ કર્યુ અને આ તેનો સુવર્ણકાળ હતો. દરેક જબાન પર મીના કુમારી જ હતી અને ફિલ્મો પણ સુપરહીટ હતી. 

શું હતી ઘટના 
લાલ બહાદુર શાસ્ત્રીને મુંબઇના એક સ્ટુડયોમાં ફિલ્મ પાકીઝાનુ શૂટિંગ જોવા બોલાવ્યો હતો. મહારાષ્ટ્રના તત્કાલિન મુખ્યમંત્રી તરફથી એટલો દબાવ હતો કે તે ના ન પાડી શક્યા અને સ્ટુડીયો પહોંચી ગયા હતા. ત્યાં ઘણા મોટા સિતારા હાજર હતા અને મીનાએ જેવી લાલ બહાદુર શાસ્ત્રીને માળા પહેરાવી ત્યારે તેમણે ઘણી વિનમ્રતાથી પૂછ્યુ કે આ મહિલા કોણ છે? ત્યારે સૌને હેરાની થઇ હતી. કોઇને ખ્યાલ પણ નહોતો કે શાસ્ત્રીજી આ વાત પબ્લિકમાં પૂછશે. 

ભાષણમાં માંગી હતી માફી 
બાદમાં જ્યારે શાસ્ત્રીજીએ સ્પીચ આપી તો તેમણે કહ્યું કે માફ કરજો મીના કુમારીજી, મે તમારુ નામ પહેલી વાર સાંભળ્યુ છે. સાર્વજનિક રીતે પ્રધાનમંત્રીનુ માફી માંગવુ લોકોને પણ ગમ્યુ હતુ પરંતુ લાખો લોકોના દિલ પર રાજ કરનારી મીના કુમારી શરમથી પાણી પાણી થઇ ગઇ હતી. 

મીના કુમારીએ 7 વર્ષની ઉંમરથી જ ફિલ્મોમાં કામ કરવાનુ શરૂ કરી દીધુ હતુ અને પોતાના જીવનના 33 વર્ષ ફિલ્મ ઇન્ડસ્ટ્રીને આપ્યા હતા. એકથી મોટી એક ફિલ્મ તે સમયે મીના કુમારીએ આપી હતી.