મનોરંજન / કિંગ ખાને સલમાન ખાનને પાછળ છોડ્યો, શાહરૂખ ખાનની ફિલ્મ 'જવાન'ને મળી રહ્યું છે જોરદાર એડવાન્સ બુકિંગ

• શાહરૂખ ખાનની ફિલ્મ 'જવાન'ને મળી રહ્યું છે જોરદાર એડવાન્સ બુકિંગ, 
• 'જવાન'એ સલમાનની KKBKKJ ને પાછળ છોડી 
• ફિલ્મે 5 કલાકની અંદર 4 કરોડ રૂપિયાની કમાણી કરી 

Advance booking of Jawan: બોલિવૂડ સુપરસ્ટાર શાહરૂખ ખાનની ફિલ્મ 'જવાન'ને પણ બોક્સ ઓફિસ પર 'પઠાણ' જેવો જ રિસ્પોન્સ મળી શકે છે, આ અમે નહીં પરંતુ આ ફિલ્મને લઈને સોશિયલ મીડિયામાં સર્જાયેલી બઝ આ વાત કહી રહી છે. સાઉથના સ્ટાર ડાયરેક્ટર એટલી દ્વારા નિર્દેશિત આ ફિલ્મ શુક્રવારે રિલીઝ થવાની છે પરંતુ પહેલાથી જ આ ફિલ્મને જોરદાર એડવાન્સ બુકિંગ મળી રહ્યું છે. એક રિપોર્ટ અનુસાર ફિલ્મની લાખો ટિકિટો વેચાઈ ચૂકી છે.

When the chief calls, you answer! 🫡

Advance booking now open, book your tickets - https://t.co/B5xelUahHO#Jawan releasing worldwide on 7th September 2023, in Hindi, Tamil & Telugu. pic.twitter.com/mMwCCwZHUG

— Red Chillies Entertainment (@RedChilliesEnt) September 2, 2023

'જવાન'એ સલમાનની KKBKKJ ને પાછળ છોડી 
શાહરુખ ખાનની ફિલ્મ 'જવાન'નું એડવાન્સ બુકિંગ શુક્રવારે સવારે 10 વાગ્યાથી શરૂ થયું હતું અને બપોરે 3 વાગ્યા સુધીમાં ફિલ્મની 1.5 લાખથી વધુ ટિકિટો વેચાઈ ચૂકી હતી. ગણતરી મુજબ, ફિલ્મે 5 કલાકની અંદર માત્ર 4 કરોડ રૂપિયાની કમાણી કરી હતી અને એડવાન્સ બુકિંગના મામલે કિંગ ખાને સુપરસ્ટાર સલમાન ખાનને પાછળ છોડી દીધો છે. જણાવી દઈએ કે સલમાન ખાનની ફિલ્મ "કિસી કા ભાઈ કિસી કી જાન" ને માત્ર 3 કરોડ 39 લાખ રૂપિયાનું એડવાન્સ બુકિંગ મળ્યું હતું.

એડવાન્સ બુકિંગની બાબતે આ ફિલ્મને પણ પાછળ છોડી 
પહેલા દિવસના અંત સુધીમાં હિન્દી ભાષામાં જવાનનું એડવાન્સ બુકિંગ 2 લાખ ટિકિટને પાર કરી ગયું હતું, આ રીતે ફિલ્મે ભૂલ ભુલૈયા 2 અને પોનીયિન સેલવાન-2 જેવી ફિલ્મોના એડવાન્સ બુકિંગનો રેકોર્ડ પણ તોડી નાખ્યો છે. શાહરૂખ ખાનની'જવાન' સાઉથ ઇંડિયન સિનેમામાં કિંગ ખાનની ડેબ્યૂ હોવાનું માનવામાં આવે છે, કારણ કે સાઇડ કાસ્ટથી લઈને થીમ અને સંગીત સુધીની દરેક વસ્તુ સાઉથના પ્રેક્ષકોને ધ્યાનમાં રાખીને બનાવવામાં આવી છે. સાથે જ હિન્દી સિનેમા જોતાં લોકો માટે પણ ફિલ્મમાં ઘણું છે.

An epic showdown awaits you all! Ready Ah? 🔥#JawanTrailer out now!#Jawan releasing worldwide on 7th September 2023, in Hindi, Tamil & Telugu. pic.twitter.com/V4h4fb213g

— Red Chillies Entertainment (@RedChilliesEnt) August 31, 2023

શું 'જવાન' 'પઠાણ'નો રેકોર્ડ તોડી શકશે?
'જવાન'ની સરખામણી શાહરૂખ ખાનની ફિલ્મ 'પઠાણ' સાથે કરવામાં આવી રહી છે તેનું એક કારણ એ છે કે પઠાણ કમાણીના મામલે 'KGF' અને 'બાહુબલી' જેવી ફિલ્મોના રેકોર્ડ તોડવામાં સફળ રહી હતી. છેલ્લા ઘણા સમયથી સાઉથ સિનેમા બોલિવૂડ કરતા વધુ સારું કામ કરી રહી હતી અને પછી શાહરૂખ ખાને પહેલીવાર સાઉથની કોઈ મોટી ફિલ્મનો રેકોર્ડ તોડ્યો હતો. હવે એવું માનવામાં આવે છે કે આવનારા સમયમાં 'જવાન' પઠાણનો રેકોર્ડ પણ તોડી શકે છે.