રાજકારણ / ચૂંટણી પહેલા આદીવાસી પટ્ટામાં ભાજપ પાડી શકે ગાબડું, આ દિગ્ગજ નેતાના દીકરા જોડાશે ભાજપમાં

• વિધાનસભાની ચૂંટણી પહેલા રાજકીય ભૂકંપ
• આદીવાસી પટ્ટામાં ભાજપ પાડી શકે ગાબડું 
• સ્વર્ગસ્થ અનિલ જોષીયારાની ભીલોડા બેઠક પર ભાજપની નજર 

ગુજરાતમાં આગામી વિધાનસભાની ચૂંટણીને લઈને રાજકીય ધમધમાટ શરૂ થઈ ગયો છે.   ગુજરાતમાં હવે જે રીતે માહોલ પૈદા થઈ રહ્યો છે. જે રીતે દરેક રાજકીય પાર્ટીઓ સક્રિય બની છે. તેને જોતા એવા સંકેત મળી રહ્યા છે કે, ગુજરાતમાં ખુબ વહેલા ચૂંટણી આવી રહી છે. ડિસેમ્બરમાં જ ચૂંટણી આવશે તેવા સંકેત છે. આ વચ્ચે વિધાનસભાની ચૂંટણી પહેલા રાજકીય ભૂકંપ જોવા મળી રહ્યો છે.

અનિલ જોષીયારાનો પુત્ર કેવલ જોષીયારા ભાજપમાં જોડાઇ શકે: સૂત્ર

ગુજરાતમાં ચૂંટણી પૂર્વે ભાજપ આદિવાસી પટ્ટામાં ગાબડુ પાડી શકે છે. સ્વર્ગસ્થ અનિલ જોષીયારાની ભિલોડા બેઠક પર ભાજપની નજર છે. આ બેઠક મેળવવા ભાજપ અનિલ જોષીયારાના દીકરા કેવલ જોષીયારા ભાજપમાં જોડાઈ શકે છે. સૂત્રો દ્વારા મળતી માહિતી મુજબ કેવલ જોષીયારાને ભાજપમાં જોડાવવા અંગે તેજ પ્રયાસો ચાલી રહ્યા છે. ભીલોડાની બેઠક જીતવા માટે કેવલ જોષીયારાને ભાજપમાં લાવવામાં આવશે. ભીલોડા બેઠકને કોંગ્રેસનો ગઢ માનવામાં આવે છે. અને અનિલ જોષીયારા ભિલોડાથી સતત 5 ટર્મથી જીતતા આવ્યા હતા.જોકે હવે તેમના નિધન બાદ આ બેઠક પોતાના ખાતામાં લાવવા માટે ભાજપ તેજ પ્રયાસો કરી રહ્યું છે.

ભાજપની નજર ભીલોડા ઉપર કેમ?

• ભીલોડા અરવલ્લીની અને આદિવાસી પૂર્વ પટ્ટાની મહત્વની બેઠક
• અરવલ્લી જિલ્લાની ત્રણેય બેઠક હાલ કોંગ્રેસ પાસે છે
• આદિવાસી પૂર્વ પટ્ટીમાં અરવલ્લી જિલ્લો મહત્વનો
• ભીલોડાને અડીને આવેલી ખેડબ્રહ્મા બેઠક પણ કોંગ્રેસ પાસે છે
• ભીલોડા બેઠક ઉપર દિવંગત નેતા અનિલ જોષીયારાનો દબદબો રહ્યો છે
• જો જોષીયારાના દીકરા ભાજપમાં આવે તો પક્ષને ફાયદો થાય
• અરવલ્લી અને સાબરકાંઠા બંને જિલ્લાના આદિવાસી વિસ્તારમાં ફાયદો થઈ શકે
• ચૂંટણી પહેલા જોષીયારાના પરિવારને ભાજપ પક્ષમાં લાવવા માંગે છે
• આદિવાસી પટ્ટીમાં હાલ કોંગ્રેસ મજબૂત છે
• સાબરકાંઠા, અરવલ્લી, મહિસાગર, દાહોદમાં કોંગ્રેસનું સંખ્યાબળ વધુ છે
• મધ્ય ગુજરાતની આદિવાસી પટ્ટીમાં પણ કોંગ્રેસ મજબૂત છે
• ભાજપ અશ્વિન કોટવાલની સાથે જોષીયારાના દિકરાને પણ પક્ષમાં લાવવા માંગે છે