રાજનીતિ / કર્ણાટક કેબિનેટનો મોટો નિર્ણય, ભાજપ સરકારનો ધર્માંતરણ વિરોધી કાયદો રદ કર્યો, RSSને લઈને પણ નિર્ણય

• કર્ણાટક કેબિનેટે ધર્માંતરણ વિરોધી કાયદો પાછો ખેંચ્યો
• ભાજપની બસવરાજ બોમ્બઈ સરકારે બનાવ્યો હતો 
• આરએસએસના સ્થાપક હેડગોવાર પરનું સ્કૂલ ચેપ્ટર પણ હટાવ્યું 

કર્ણાટકની કોંગ્રેસ સરકારે તેનું બીજું વચન પુર્ણ કર્યું છે. ગુરુવારે કર્ણાટક કેબિનેટે  રાજ્યમાં અગાઉની ભાજપ સરકાર દ્વારા લાવવામાં આવેલા ધર્માંતરણ વિરોધી કાયદાને પાછો ખેંચવાનો નિર્ણય જાહેર કર્યો છે.

K'taka Cabinet has decided to remove school textbook lessons on RSS founder KB Hegdewar and others: Edu min Madhu Bangarappa

— Press Trust of India (@PTI_News) June 15, 2023

17 મે, 2022ના રોજ ભાજપ સરકાર લાવી હતી કાયદો 
આ કાયદો બસવરાજ બોમ્બઈ સરકાર દ્વારા લાવવામાં આવ્યો હતો. 'લાલચ', 'બળજબરી', 'બળ', 'કપટપૂર્ણ માધ્યમો', અને 'સામૂહિક ધર્માંતરણ' દ્વારા ધર્માંતરણ અટકાવવાનો ઉદ્દેશ ધરાવતા આ ખરડાને ડિસેમ્બર 2021માં કર્ણાટક વિધાનસભાએ અપનાવ્યો હતો. ત્યારબાદ સરકારે બિલને અમલી બનાવવા માટે વટહુકમ લાવવાનો નિર્ણય કર્યો હતો. આ વટહુકમને કર્ણાટકના રાજ્યપાલ થાવરચંદ ગેહલોતે 17 મે, 2022ના રોજ મંજૂરી આપી હતી. તે પછી તેને છ મહિનાની અંદર વિધાનસભા દ્વારા મંજૂરી આપવાની જરૂર હતી. 
આ ખરડો સપ્ટેમ્બરમાં વટહુકમને બદલવા માટે રજૂ કરવામાં આવ્યો હતો જે અમલમાં હતો અને વિધાન પરિષદ દ્વારા પસાર કરવામાં આવ્યો હતો.

કર્ણાટક કેબિનેટનો બીજો નિર્ણય 
કર્ણાટક સરકારે બીજો પણ એક મોટો નિર્ણય કર્યો છે. સરકારે ભાજપના વૈચારિક મેન્ટર આરએસએસના એક સ્થાપક KB Hedgewarનું એક ચેપ્ટર સ્કૂલના પુસ્તકમાંથી દૂર કરવાનો પણ નિર્ણય લીધો છે. આ ચેપ્ટર ગત વર્ષે જ સ્કૂલ પુસ્તકમાં એડ કરાયું હતું. 

કોંગ્રેસે તે વખતે ખૂબ કર્યો હતો વિરોધ 
ધર્માંતરણ વિરોધી કાયદાનો તે વખતે કોંગ્રેસના ધારાસભ્યો તેમજ ખ્રિસ્તી સમુદાયના નેતાઓ દ્વારા સખત વિરોધ કરવામાં આવ્યો હતો.