- જિજ્ઞેશ મેવાણીએ વડગામથી ભર્યુ ફોર્મ
- ફોર્મ ભરતી વખતે કનૈયા કુમાર રહ્યાં હાજર
- કનૈયા કુમારે ભાજપ પર કર્યા આકરા પ્રહાર
ગુજરાતમા વિધાનસભાની ચૂંટણીને લઈ રાજકીય પહલ-ચહલ તેજ થઈ છે. જેમ જેમ મતદાનની તારીખો નજીક આવે છે તેમ તેમ રાજકીય માહોલ ગરમાતો જોવા મળે છે. જીગ્નેશ મેવાણીએ આજે વડગામથી ઉમેદવારી ફોર્મ ભર્યુ છે. તેમના નામાંકન વખતે કનૈયા કુમાર પણ હાજર રહ્યા હતા. ઉમેદવારીપત્રને લઈ જે જીગ્નેશ મેવાણીની સમર્થન સભા યોજાઈ હતી. જેમાં જિજ્ઞેશ મેવાણી અને કનૈયા કુમારે ભાજપ પર આકરા પ્રહાર કર્યા હતા.
કનૈયાકુમારના ભાજપ પ્રહાર
વડગામ વિધાનસભાની બેઠક પર જીગ્નેશ મેવાણીના ઉમેદવારી પત્રને લઈને સમર્થન સભા યોજાઈ હતી. જેમાં રાષ્ટ્રીય નેતા કનૈયાકુમારે ભાજપ પર આકરા પ્રહાર કર્યાં હતા. કનૈયા કુમારે કહ્યું કે જિજ્ઞેશ મેવાણીનું સિલાઈ મશીન લઈને કોંગ્રેસ અત્યારે ભારત જોડો યાત્રા કરી રહી છે જોકે ભારતના પ્રધાનમંત્રીનો ફોટો આગળ કરી અને એમના ગૃહ મંત્રીએ પોતાના દીકરાને બીસીસીઆઈના પ્રમુખ બનાવી દીધા છે જ્યારે બીસીસીઆઈમાં પ્રમુખ પદની વર્ણીમાં નિયમો નેવે મૂકી અને આ કામ કર્યું છે. તેમણે ભાજપની નીતિ વિશે વાત કહેતા જણાવ્યું હતું કે ભાજપ પહેલા ડરાવે છે ન માને તો જેલમાં બંધ કરે છે પછી નોટ બતાવે છે અને અંતે ન માને તો ગોળી મારી દે છે.
"દાણા-પાણી માટે લોકો તરસી રહ્યાં છે"
કનૈયાકુમારે કહ્યું કે, ગુજરાત મોડલની લોકો મજા લઈ રહ્યા છે ત્યારે દેશ દાણા પાણી માટે તરસી રહ્યો છે તેમણે કહ્યું કે, આગામી વિધાનસભાની ચૂંટણીમાં મોરબીની જવાબદારી કોણ લે છે એ નક્કી કરશે જ્યારે મોદીજી ગુજરાતી છે પરંતુ ગુજરાત મોદીજીથી નથી તેવા આક્ષેપ કર્યા હતા. તેમણે પ્રહાર કરતા કહ્યું કે, ભાજપનાં ભૂપેન્દ્ર પટેલ ઊંઘી રહ્યા હતા ત્યારે તેમને મુખ્યમંત્રી બનાવી દીધા એ રીતે અત્યારે ભાજપ ચાલી રહ્યું છે ત્યારે જીગ્નેશ મેવાણીને જીતાડવા અને તેમને સમર્થન કરવા માટે કનૈયા કુમારે અપીલ કરી હતી. કન્હૈયા કુમારે કહ્યું હતું કે, ગુજરાત જ નહીં દેશની નજર અત્યારે વડગામ પર છે
જિજ્ઞેશ મેવાણીએ જીતનો વિશ્વાસ વ્યક્ત કર્યો
વડગામ બેઠક પર કોંગ્રેસ નાં જીજ્ઞેશ મેવાણીએ પોતાની ઉમેદવારી ફોર્મ ભરતા પહેલા વિશાળ સભા યોજી હતી જેમાં હજારો લોકો હાજર રહ્યા હતાં. જીજ્ઞેશ મેવાણીએ વડગામ માટે મુક્તેશ્વર ડેમ તેમજ કરમાવદ તળાવ ભરવા માટે પાઇપ લાઇન મંજૂર કરાવી તેમજ ઓક્સિજન પ્લાન્ટ સ્થાપવા સહિત કામગીરી કરી હોવાનું જણાવ્યું હતું. તેમણે કહ્યું હતું કે, ચૂંટણી આવે એટલે ભાજપ સાંપ્રદાયિકતા ફેલાવે છે હુ તમામને સાથે લઈને ચાલનારો વ્યક્તિ છુ. તેમજ આગામી સમયમાં વડગામમાં જીઆઇડીસી તેમજ લાઇબ્રેરી સહિતનો વિકાસ કરવામાં આવશે તેવી લોકોને બાહેધરી આપી હતી. મેવાણીએ વડગામની જનતા ભારે બહુમતથી જીતાડશે તેવો વિશ્વાસ વ્યક્ત કર્યો હતો.
