દરોડા / વડોદરામાં કેમિકલ ઉદ્યોગપતિઓને ત્યાં ITનો સપાટો: 300થી વધુ અધિકારીઓ સર્ચ ઓપરેશનમાં સામેલ, 40 કરોડની જ્વેલરી સહિત રોકડ જપ્ત

Malay

Last Updated: 09:35 AM, 27 June 2023

FOLLOW ON

શેર કરો

Vadodara News: વડોદરામાં આવકવેરા વિભાગની ટીમોએ બે મોટા કેમિકલ ગ્રુપ પર દરોડા પાડ્યા છે. ITના 300થી વધુ અધિકારીઓ સર્ચની કામગીરીમાં જોડાયા છે. પ્રકાશ કેમિકલ અને ગોયલ જૂથ પર આવકવેરા વિભાગના દરોડા બાદ અન્ય કેમિકલ ઉદ્યોગ ગૃહોમાં ફફડાટ ફેલાયો છે.

કેમિકલ ઉદ્યોગપતિઓને ત્યાં ITની તપાસ
40 કરોડના દાગીના અને રોકડ રકમ જપ્ત
બન્ને કંપનીના 40 બેંક લોકરની કરાશે તપાસ

વડોદરામાં કેમિકલ ઉદ્યોગ પર આવકવેરા વિભાગના દરોડા પડ્યા છે. છેલ્લા કેટલાક દિવસથી મોટી ટેક્સ ચોરી થતી હોવાની આશંકાએ IT વિભાગે 30થી વધુ સ્થળોએ સર્ચ ઓપરેશન હાથ ધર્યું છે. આવકવેરા વિભાગની ટીમોએ વડોદરામાં ગોયલ ગ્રુપ, પ્રકાશ કેમિકલને ત્યાં તપાસ હાથ ધરી છે.

300થી વધુ અધિકારીઓ સર્ચ કામગીરીમાં જોડાયા
શિવપ્રકાશ ગોયલ, જયપ્રકાશ ગોયલ, દિલીપ શાહ અને મનીષ શાહના નિવાસ સ્થાન, યુનિટ ઓફિસ સહિતના સ્થળોએ હજુ પણ કાર્યવાહી ચાલી રહી છે. ITના 300થી વધુ અધિકારીઓ સર્ચની કામગીરીમાં જોડાયા છે. આ ઉપરાંત ગોયલ ગ્રુપના કચ્છ કેમિકલ પ્લાન્ટ પર પણ દરોડા પાડવામાં આવ્યા છે.

40 કરોડની જ્વેલરી અને રોકડ જપ્તઃ સૂત્રો
સૂત્રો દ્વારા મળતી માહિતી અનુસાર, IT વિભાગે 40 કરોડની જ્વેલરી અને રોકડ જપ્ત કરી છે. બંને ગ્રુપ પાસેથી કરોડોની રોકડ, જવેલરી તથા મિલકતોના દસ્તાવેજો મળી આવ્યા છે. પ્રકાશ કેમિકલ અને ગોયલ જૂથની પાનોલી ઈન્ટરના લોકરની તપાસ કરવામાં આવશે.

તપાસના મોટી કરચોરી ઝડપાય તેવી શક્યતા
બંને કંપનીના 40 બેંક લોકરની પણ તપાસ કરવમાં આવશે. તપાસના અંતે મોટાપાયે કરચોરી ઝડપાય તેવી શક્યતા છે. પ્રકાશ ગ્રુપની એક કંપની દુબઈમાં પણ છે. દુબઈની કંપની થકી આયાત નિકાસના મોટા પાયે ગોટાળાની આશંકા છે. ટેક્સની મોટી રકમની ચોરી કરવામાં આવતી હોવાની શંકા છે.

સંકળાયેલા મુદ્દાઓ

IT raids ITનો સપાટો chemical industrialists vadodara કેમિકલ ઉદ્યોગપતિઓ વડોદરા ન્યૂઝ વડોદરા સમાચાર vadodara news