રાહત / ભારતનાં મિત્ર દેશે વિકસાવી અનોખી ટેસ્ટ કિટ, ફૂંક મારવા પર એક જ મિનીટમાં આપશે રિઝલ્ટ

• ઈઝરાયલે માત્ર રૂ.3800ની કોરોના કિટ બનાવી
• ફૂંક મારવાથી જ જણાવશે પોઝિટીવ કે નેગેટીવ
• ફૂડ એન્ડ ડ્રગ્સ વિભાગની એપ્રુવલ મળતા જ લોકો માટે ઉપલબ્ધ બનશે

સંશોધકોએ જણાવ્યું કે, કિટમાં ખાસ પ્રકારના સેન્સરનો ઉપયોગ કરાય છે, જે ખાસ કરીને કોરોના વાઇરસને ઓળખવાનું કામ કરે છે. જ્યારે દર્દી ટેસ્ટ કિટમાં હવા ફૂંકે છે ત્યારે ડ્રોપલેટ્સ દ્વારા વાઇરસ સેન્સર સુધી પહોંચે છે. આ સેન્સરથી એક ક્લાઉડ સિસ્ટમ જોડાયેલી હોય છે. સેન્સર સિસ્ટમનું વિશ્લેષણ કરીને જણાવે છે કે દર્દીનો રિપોર્ટ પોઝિટીવ છે કે નેગેટીવ.

સંશોધકોનું કહેવું છે કે, ટેસ્ટ કિટની કિંમત બીજા પીસીઆર ટેસ્ટ કરતા ઓછી હોય છે. આ ટેસ્ટ ગમે ત્યારે કરી શકાય છે. આ માટે લેબની જરૂર હોતી નથી. એરપોર્ટ, બોર્ડર, સ્ટેડિયમ જેવી જગ્યાઓએ આ ટેસ્ટ કિટ ખુબ જ ઉપયોગી સાબિત થાય છે, જ્યાં રેપિડ ટેસ્ટની જરૂર હોય છે.

સંશોધક પ્રો. સારુસિના જણાવ્યા મુજબ, કોરોના વાઇરસના કણ નેનો પાર્ટિકલ્સની જેમ હોય છે. તેનો આકાર ૧૦૦થી ૧૪૦ નેનો મીટર હોય છે. પીસીઆર કિટ વાઇરસના આરએનએ અને ડીએનએને ઓળખીને રિપોર્ટ આપે છે અને તેમ કરવામાં કેટલાય કલાકો લાગી જાય છે. 

આ નવા ટેસ્ટમાં એક મિનિટની અંદર ખબર પડી જાય છે કે દર્દી પોઝિટીવ છે કે નેગેટીવ. આ કિટ જલ્દી લોકો સુધી પહોંચાડાશે અને હાલ ફુડ એન્ડ ડ્રગ એડમિનિસ્ટ્રેશન પાસેથી એપ્રુવલ મેળવવાની તૈયારીઓ ચાલી રહી છે.