IPL 2023 / 2 વર્ષથી ટીમ ઈન્ડિયામાં નથી મળી આ ખેલાડીને તક, હવે IPLમાં પણ કેપ્ટને બતાવ્યો બહારનો રસ્તો

• આ ખેલાડીને હવે IPLની ટીમમાં પણ જગ્યા ન મળી 
• 2 વર્ષથી ટીમ ઈન્ડિયામાં સ્થાન નથી મળી રહ્યું 
• આઈપીએલમાં રમી છે આટલી મેચ 

IPL 2023માં આજે ચોથી સનરાઈઝર્સ હૈદરાબાદ અને રાજસ્થાન રોયલ્સ વચ્ચે રમાઈ રહી છે. આ મેચમાં હૈદરાબાદના કેપ્ટન ભુવનેશ્વર કુમારે ટોસ જીતીને પ્રથમ બોલિંગ કરવાનો નિર્ણય કર્યો હતો. એવામાં 2 વર્ષથી ટીમ ઈન્ડિયામાં સ્થાન મેળવવા માટે તરસી રહેલ આ ખેલાડીને હવે IPLની ટીમમાં પણ જગ્યા મળી નથી. જણાવી દઈએ કે રાજસ્થાન રોયલ્સ ટીમે પણ આ ખેલાડીને તેની પહેલી મેચમાં તક આપી નથી.

ટીમ ઈન્ડિયા બાદ હવે IPLની ટીમમાં પણ ન મળી જગ્યા
સનરાઈઝર્સ હૈદરાબાદ સામે રમાઈ રહેલી આ સિઝનની પ્રથમ મેચમાં ટીમ મેનેજમેન્ટે રાજસ્થાન રોયલ્સના ફાસ્ટ બોલર નવદીપ સૈનીને સ્થાન આપ્યું નથી. આ મેચમાં રાજસ્થાન રોયલ્સની કેપ્ટનશીપ સંજુ સેમસન કરી રહ્યો છે. જણાવી દઈએ કે નવદીપ સૈની છેલ્લા બે વર્ષથી ટીમ ઈન્ડિયાની બહાર ચાલી રહ્યો છે અને  તેને છેલ્લી મેચ 2021માં શ્રીલંકા સામે રમી હતી. એ બાદ તેને ટીમ ઈન્ડિયાના કોઈપણ ફોર્મેટમાં સ્થાન મળ્યું નથી.  

આઈપીએલમાં રમી છે આટલી મેચ 
નવદીપ સૈની આઈપીએલમાં અત્યાર સુધીમાં 30 મેચ રમી ચૂક્યો છે જેમાં તેણે 20 વિકેટ ઝડપી છે. આ સાથે જ ટીમ ઈન્ડિયા તરફથી રમતા તેણે 2 ટેસ્ટ મેચ રમી છે. જેમાં તેણે 4 વિકેટ ઝડપી છે. વનડેમાં સૈનીએ 8 મેચમાં 6 વિકેટ લીધી છે જ્યારે ટી20માં તેણે 11 મેચમાં 9 વિકેટ લીધી છે. 

બંને ટીમોની પ્લેઈંગ ઈલેવન 
રાજસ્થાન રોયલ્સ: યશસ્વી જયસ્વાલ, જોસ બટલર, સંજુ સેમસન, દેવદત્ત પડિક્કલ, રિયાન પરાગ, શિમરોન હેટમેયર, રવિચંદ્રન અશ્વિન, જેસન હોલ્ડર, ટ્રેન્ટ બોલ્ટ, કેએમ આસિફ, યુઝવેન્દ્ર ચહલ

સનરાઇઝર્સ હૈદરાબાદ: મયંક અગ્રવાલ, અભિષેક શર્મા, રાહુલ ત્રિપાઠી, હેરી બ્રુક, વોશિંગ્ટન સુંદર, ગ્લેન ફિલિપ્સ, ઉમરાન મલિક, આદિલ રશીદ, ભુવનેશ્વર કુમાર, ટી નટરાજન, ફઝલહક ફારૂકી