IPL 2023 / ઐતિહાસિક: 1000મી મેચ બની યાદગાર, IPLમાં આ ટીમોએ સર્જ્યો એવો રેકોર્ડ કે જાણી ચોંકી જશો

• IPL ઈતિહાસની 1000મી મેચ મુંબઈ અને રાજસ્થાન વચ્ચે હતી 
• IPLના ઈતિહાસમાં પહેલીવાર એક જ દિવસમાં 4 વખત 200 કે તેથી વધુનો સ્કોર થયો
• 999મી મેચમાં પંજાબે ચેન્નાઈને હરાવ્યું હતું 

IPL 2023 માં ગઈકાલે રવિવારે એટલે કે 30 એપ્રિલના રોજ મુંબઈ ઈન્ડિયન્સ (MI) અને રાજસ્થાન રોયલ્સ (RR) વચ્ચે રોમાંચક મેચ રમાઈ હતી અને આ મેચને લઈને લોકોમાં પણ ભારે ઉત્સાહ જોવા મળી રહ્યો હતો. આ સાથે જ જણાવી દઈએ કે IPLના ઈતિહાસમાં આવું પહેલીવાર બન્યું જ્યારે એક જ દિવસમાં 4 વખત 200 કે તેથી વધુનો સ્કોર થયો હોય. 

1️⃣0️⃣0️⃣0️⃣th IPL match. Special Occasion...

...And it ends with an electrifying finish courtesy Tim David & @mipaltan 💥💥💥

Scorecard ▶️ https://t.co/trgeZNGiRY #IPL1000 | #TATAIPL | #MIvRR pic.twitter.com/qK6V5bqiWV

— IndianPremierLeague (@IPL) April 30, 2023

IPL ઈતિહાસની 1000મી મેચ મુંબઈ અને રાજસ્થાન વચ્ચે 
ઉપરાંત ખાસ વાત એ છે કે આ IPL ઈતિહાસની 1000મી મેચ હતી. જણાવી દઈએ કે રવિવારે ડબલ હેડર રમાઈ હતી અને એ બીજી મેચ મુંબઈના વાનખેડે સ્ટેડિયમમાં રમાઈ હતી જેમાં સંજુ સેમસનની કેપ્ટન્સીમાં રાજસ્થાનની ટીમે 213 રનનો ટાર્ગેટ મુંબઈને આપ્યો હતો અને મુંબઈએ પણ સામે કાંટાની ટક્કર આપી હતી. એ મેચ છેલ્લી ઓવર સુધી ચાલી હતી. છેલ્લી ઓવરમાં મુંબઈની ટીમને જીતવા માટે 17 રનની જરૂર હતી અને એ સમયે ટિમ ડેવિડ અને તિલક વર્મા ક્રિઝ પર હતા અને રાજસ્થાનની ટીમ તરફથી કેરેબિયન ફાસ્ટ બોલર જેસન હોલ્ડર બોલિંગ કરી રહ્યા હતા. એ સમયે ચાહકોને પણ લાગ્યું કે આ મેચ રાજસ્થાન જીતશે પણ એવું થયું નહીં. 

એ મેચમાં ટિમ ડેવિડે પોતાનું મન બનાવી લીધું અને હોલ્ડરની ઓવરના પહેલા 3 બોલમાં ત્રણ છગ્ગા ફટકારીને મેચ પલટી દીધી હતી. 213 રનના લક્ષ્યાંકનો પીછો કરવા ઉતરેલી મુંબઈની ટીમે 4 વિકેટ ગુમાવીને 19.3 ઓવરમાં 214 રન બનાવીને મેચ જીતી લીધી હતી. 

Kings will always be Kings 💛❤️#CSKvPBKS pic.twitter.com/KkqUfeUGl7

— Punjab Kings (@PunjabKingsIPL) April 30, 2023

999મી મેચમાં પંજાબે ચેન્નાઈને હરાવ્યું 
IPLના ઈતિહાસમાં આવું પહેલીવાર બન્યું જ્યારે એક જ દિવસમાં 4 વખત 200 કે તેથી વધુનો સ્કોર થયો હોય. રવિવારે ડબલ હેડરમાં પ્રથમ મેચ ચેન્નાઈ સુપર કિંગ્સ (CSK) અને પંજાબ કિંગ્સ (PBKS) વચ્ચે બપોરે રમાઈ હતી. આઈપીએલના ઈતિહાસની આ 999મી મેચ હતી. આ મેચમાં મહેન્દ્ર સિંહ ધોનીની કપ્તાનીમાં ચેન્નાઈએ પંજાબની ટીમને 201 રનનો ટાર્ગેટ આપ્યો હતો. જવાબમાં શિખર ધવનની કેપ્ટન્સીમાં પંજાબની ટીમે 6 વિકેટ ગુમાવીને મેચ જીતી લીધી હતી.