મોટી દૂર્ઘટના ટળી / બેંગ્લોરથી વારાણસી જતી ઈન્ડિગો ફ્લાઈટનું ઈમરજન્સી લેન્ડિંગ, 137 મુસાફરોના જીવ તાળવે ચોંટ્યા

• બેંગ્લોરથી વારાણસી જતી ફ્લાઈટનું ઈમરજન્સી લેન્ડિંગ 
• ટેક્નિકલ સમસ્યાઓના કારણે ઈમરજન્સીમાં લેન્ડિંગ કરાયું
• ઈન્ડિગો ફ્લાઈટમાં સવાર કુલ 137 મુસાફરો સુરક્ષિત 

બેંગ્લોરથી વારાણસી જતી ઈન્ડિગોની ફ્લાઈટનું ઈમરજન્સી લેન્ડિંગ શમશાબાદ એરપોર્ટ પર કરવામાં આવ્યું હતું. ઈન્ડિગોની ફ્લાઈટ 6E897 સવારે 5.10 વાગ્યે રવાના થઈ હતી, પરંતુ ટેક્નિકલ સમસ્યાઓના કારણે એરક્રાફ્ટને શમશાબાદ એરપોર્ટ પર ઈમરજન્સીમાં લેન્ડ કરવું પડ્યું હતું. ફ્લાઈટમાં કુલ 137 લોકો સવાર હતા. તમામ મુસાફરો માટે બીજી ફ્લાઇટની વ્યવસ્થા કરવાની જાહેરાત કરવામાં આવી હતી. ડિરેક્ટોરેટ જનરલ ઓફ સિવિલ એવિએશન (DGCA) એ કહ્યું કે તમામ 137 મુસાફરો સુરક્ષિત છે. ફ્લાઇટે બેંગ્લોરથી વારાણસી માટે ઉડાન ભરી હતી.  ત્યારે અચાનક ટેક્નિકલ સમસ્યાઓના પગલે ઈમરજન્સી લેન્ડિંગ કરવામાં આવ્યું હતું. 

1 એપ્રિલે દિલ્હીથી પ્લેન સાથે પક્ષી અથડાયું હતું

આ પહેલા 1 એપ્રિલે દિલ્હીથી દુબઈ જતા કાર્ગો પ્લેન સાથે એક પક્ષી અથડાયું હતું. એલર્ટ જારી કર્યા બાદ તેને દિલ્હી એરપોર્ટ પર પરત લાવવામાં આવ્યું હતું. તપાસ દરમિયાન જાણવા મળ્યું કે પક્ષી અથડાવાને કારણે પ્લેનની વિન્ડશિલ્ડમાં તિરાડ પડી હતી. જોકે, થોડા સમય બાદ પ્લેન ફરી ટેક ઓફ થયું હતું. બેંગલુરુથી વારાણસી જતી ઈન્ડિગો ફ્લાઈટ (6E897) આજે સવારે 6.15 વાગ્યે તેલંગાણાના શમશાબાદ એરપોર્ટ પર ટેક્નિકલ સમસ્યાને કારણે 137 મુસાફરો સાથે ઈમરજન્સી લેન્ડિંગ કરવામાં આવી હતી. બધા મુસાફરો સુરક્ષિત છે.