કોરોના વાયરસ / 48 કલાકમાં દેશનું સૌથી મોટું Covid Care સેન્ટર અમદાવાદમાં અહીં બનાવાયું

ગુજરાતમાં કોરોના વાયરસના સૌથી વધુ કે અમદાવાદમાં છે ત્યારે તંત્ર વધુ અલર્ટ બન્યું છે. અમદાવાદ મ્યુનિસિપલ કમિશનર વિજય નહેરાએ આ કોવિડ કેર સેન્ટરની મુલાકાત લીધી હતી. 

કોરોના 2000 દર્દીઓને સુવિધાઓ આપવામાં આવશે

એક સાથે 2000 જેટલા દર્દીઓ રહી શકે તેવી વ્યવસ્થા ઊભી કરવામાં આવી છે. આ પોઝિટિવ દર્દીઓને અહીં રાખવામાં આવશે. તેમની ખાસ તકેદારી રાખવામાં આવશે. દર્દીઓ માટે ફ્રી વાઇફાઇ, પર્સનલ કીટ, ટીવી, રીડિંગ રૂમ, ઇન્ડોર ગેમ્સ અને લાયબ્રેરી સહિતની સુવિધા આપવામાં આવશે.

મેડિકલ ટીમના સભ્યો માટે 14 દિવસ માટે રહેવાની સુવિધા

24 કલાક મેડિકલ ટીમ સેન્ટરમાં કાર્યરત રહેશે. મેડિકલ ટીમના સભ્યો માટે પણ 14 દિવસ સુધી રહેવા માટેની વ્યવસ્થા કરવામાં આવી છે. તેઓને બાદમાં ઓબ્ઝર્વેશન હેઠળ રાખવામાં આવશે. 48 કલાકમાં ઊભા કરવામાં આવેલા આ કેર સેન્ટરમાં દર્દીઓનું ખાસ ધ્યાન રાખવામાં આવશે.

ત્રણ લેયરમાં કોરોના દર્દીઓની સારવાર કરાશે

1. કોવિડ કેર સેન્ટર
જેમાં સામાન્ય દર્દી હોય કે જેને અન્ય બીમારી ના હોય એવા દર્દીઓને રાખવામાં આવશે, આ ઉપરાંત 18થી 60 વર્ષના દર્દીઓને રાખવામાં આવશે, સાજા થયેલાં લોકો કોવિડ કેર સેન્ટરમાં કોવિડ વોલેન્ટીયર તરીકે સેવા કરી શકશે, આ કેર સેન્ટર સમરસ હોસ્ટેલમાં શરૂ કરવામાં આવ્યું છે.

2. કોવિડ મેડિકલ સેન્ટર
જેમાં કોરોના પોઝિટિવના દર્દીને ઓક્સિજનની જરૂર હોય એવા દર્દીઓને રાખશે.

3. અમદાવાદ સિવિલ અને એસવીપી હોસ્પિટલ
 કોવિડ કેર અને કોવિડ મેડિકલ સેન્ટરના દર્દી કરતાં પણ વધુ તકલીફ હોય અને કોરોના પોઝિટિવના સિવિયર હોય તેને જ આઈસોલેસનમાં રાખવામાં આવશે.