મોટો નિર્ણય / 10 દેશોમાં રહેતા ભારતીયોને મોદી સરકારે આપી એક નવી સુવિધા, ત્યાં બેઠા બેઠા કરી શકશે આવું કામ

• યુપીઆઈ ટ્રાન્ઝેક્શન પરના કેન્દ્રના નિર્ણયથી ભારતીયોને રાહત 
• 10 દેશોના ભારતીયો પણ ટૂંક સમયમાં કરી શકશે UPI  ટ્રાન્ઝેક્શન 
• સરકારે આપી છે મંજૂરી 

10 દેશોમાં રહેતા ભારતીયો હવે ટૂંક સમયમાં તેમના આંતરરાષ્ટ્રીય મોબાઇલ નંબર દ્વારા યુનિફાઇડ પેમેન્ટ ઈન્ટરફેસ (UPI)નો ઉપયોગ કરી શકશે. 10 દેશોમાં રહેતા બિન-નિવાસી ભારતીયો (એનઆરઆઈ) તેમના ભારતના ફોન નંબર પર આધાર રાખ્યા વિના વ્યવહારો માટે UPI સેવાઓનો ઉપયોગ કરી શકે છે.

10 દેશોના ભારતીયોને મળી સુવિધા 
સિંગાપુર, અમેરિકા, ઓસ્ટ્રેલિયા, કેનેડા, હોંગકોંગ, ઓમાન, કતાર, સાઉદી અરબ, સંયુક્ત આરબ અમીરાત અને બ્રિટન સામેલ છે. 

30 એપ્રિલ સુધીમાં બેન્કો શરુ કરી દેશે સુવિધા 
નેશનલ પેમેન્ટ્સ કોર્પોરેશન ઓફ ઇન્ડિયાના જણાવ્યા અનુસાર, આંતરરાષ્ટ્રીય મોબાઈલ નંબર ધરાવતા એનઆરઈ/એનઆરઓ UPI  (નોન રેસિડન્ટ એક્સટર્નલ એન્ડ નોન રેસિડેન્ટ ઓર્ડિનરી) મારફતે ટ્રાન્ઝેક્શન કરી શકશે. પેમેન્ટ્સ કોર્પોરેશને સૂચનાઓનું પાલન કરવા માટે ભાગીદાર બેંકોને 30 એપ્રિલ સુધીનો સમય આપ્યો છે. એનઆરઇ એકાઉન્ટ એનઆરઆઈને વિદેશી કમાણી ભારતમાં ટ્રાન્સફર કરવામાં મદદ કરે છે, જ્યારે એનઆરઓ એકાઉન્ટ તેમને ભારતમાં કમાયેલી આવકનું સંચાલન કરવામાં મદદ કરે છે. 

Cabinet approves Rs 2,600 crore incentive scheme to promote Rupay debit card, BHIM UPI transactions: Union Minister Bhupender Yadav

— Press Trust of India (@PTI_News) January 11, 2023

 યુપીઆઈ ટ્રાન્ઝેક્શન માટે 2,600 કરોડની પ્રોત્સાહન સ્કીમ 
પીએમ મોદીની અધ્યક્ષતામાં કેબિનેટ કમિટીએ બુધવારે રૂપે ડેબિટ કાર્ડ અને ઓછા મૂલ્યના ભીમ-યુપીઆઈ ટ્રાન્ઝેક્શનને પ્રોત્સાહન આપવા માટે 2,600 કરોડ રૂપિયાની યોજનાને મંજૂરી આપી દીધી છે. યુપીઆઈના આ મોટા પગલાથી આંતરરાષ્ટ્રીય વિદ્યાર્થીઓ, વિદેશમાં રહેતા પરિવારો અને સ્થાનિક ઉદ્યોગોને મદદ મળશે. આ યોજના હેઠળ, બેંકોને રુપે અને યુપીઆઈનો ઉપયોગ કરીને ટ્રાન્ઝેક્શનને પ્રોત્સાહન આપવા માટે નાણાકીય પ્રોત્સાહનો આપવામાં આવશે. 

ભારતને ડિજિટલ પેમેન્ટમાં વધુ પ્રોત્સાહન મળશે-પીએમ મોદી 
મોદીએ બુધવારે એક ટ્વિટમાં જણાવ્યું હતું કે, "રૂપે ડેબિટ કાર્ડ અને ભીમ-યુપીઆઈ ટ્રાન્ઝેક્શનને પ્રોત્સાહન આપવાના આજના કેબિનેટના નિર્ણયથી ભારતને ડિજિટલ પેમેન્ટમાં વધુ પ્રોત્સાહન મળશે.