ઇનામ / ભારતીય મહિલા ક્રિકેટ ટીમ ભલે મેચ હારી પણ બનશે માલામાલ; આટલા કરોડ રૂપિયા જીતી

Shalin

Last Updated: 07:03 PM, 8 March 2020

FOLLOW ON

શેર કરો

વિમેન્સ વર્લ્ડ ટી -20 ફાઈનલમાં ઓસ્ટ્રેલિયાએ ભારતીય ટીમને હરાવી પાંચમી વખત ખિતાબ મેળવ્યો અને ચેમ્પિયન બની છે. રવિવારે મેલબોર્ન ક્રિકેટ ગ્રાઉન્ડ ખાતે રમાયેલી મેચમાં ઓસ્ટ્રેલિયાએ છઠ્ઠી ફાઇનલ રમી ભારતથી દરેક ક્ષેત્રમાં વધુ સારું પ્રદર્શન કરીને મેચ પોતાના નામે કરી હતી. વિજેતા ઓસ્ટ્રેલિયન ટીમને સાત કરોડ 40 હજાર રૂપિયા (એક મિલિયન ડોલર) મળ્યા હતા આ સાથે જ ઉપ વિજેતા બનેલી ભારતીય ટીમને 3 કરોડ 70 હજાર રૂપિયા (5 લાખ ડોલર)ની ઇનામ રકમ પણ આપવામાં આવી હતી.

મેગ લેનિંગની આગેવાની હેઠળની ઓસ્ટ્રેલિયન ટીમે પ્રથમ વખત ફાઇનલ રમી રહેલી ભારતીય ટીમ ઉપર સંપૂર્ણ પ્રભુત્વ જમાવ્યું હતું અને બેટિંગ બાદ બોલિંગમાં પણ પોતાનો શ્રેષ્ઠ દેખાવ કર્યો હતો. આ જીતની સાથે જ ઓસ્ટ્રેલિયન ટીમે જયારે સર્વાધિક પાંચ વખત ખિતાબ જીતવાનો રેકોર્ડ બનાવ્યો હતો, ત્યાં બંને ટીમને કરોડો રૂપિયા ઇનામ તરીકે રકમ પણ મળી હતી.

આ વખતે ઇનામની રકમને વર્ષ 2018 ની તુલનામાં પાંચ ગણી વધારી હતી. આવી સ્થિતિમાં વિજેતા ઓસ્ટ્રેલિયન ટીમને સાત કરોડ 40 હજાર રૂપિયા (એક મિલિયન ડોલર) મળ્યા હતા આ સાથે જ ઉપ વિજેતા બનેલી ભારતીય ટીમને 3 કરોડ 70 હજાર રૂપિયા (5 લાખ ડોલર)ની ઇનામ રકમ પણ આપવામાં આવી હતી.

આ ઉપરાંત આ વર્ષની વર્લ્ડ કપમાં ભાગ લેનાર તે તમામ ટીમોને ઇનામની રકમ આપવામાં આવી છે. ગયા વર્ષે ICC એ મહિલા ક્રિકેટને પ્રોત્સાહન આપવાના હેતુથી વર્લ્ડ કપ માટેની ઇનામની રકમ વધારવાનો નિર્ણય લીધો હતો.