World Cup 2023 / વર્લ્ડકપમાં મેદાન પર ઉતરી શકે છે આ ભારતીય ટીમ, 2 ખેલાડીઓ રહેશે રિઝર્વ, જાણો ક્યારે થશે એલાન

• 5 ઓક્ટોબરે શરૂ થશે વનડે વર્લ્ડ કપ 
• ICC વર્લ્ડ કપ માટે જાહેર કરશે ટીમ 
• 2 ખેલાડીઓ રહેશે રિઝર્વ

ભારતની યજમાનીમાં આ વર્ષે 5 ઓક્ટોબરે વનડે વર્લ્ડ કપ 2023નું આયોજન થશે. ટૂર્નામેન્ટની ફાઈનલ 19 નવેમ્બરે રમાશે. ઈન્ટરનેશનલ ક્રિકેટ કાઉન્સિલે વર્લ્ડ કપ માટે કોર ટીમની જાહેરાત કરવાની 5 સપ્ટેમ્બર તારીખ નક્કી કરી છે. 

કોર ટીમનો મતલબ છે કે તેમાં આસીસીની મંજૂરીના આધાર પર ફેરફાર કરવામાં આવી શકે છે. પરંતુ આઈસીસીએ વર્લ્ડ કપ માટે ફાઈનલ 15 સદસ્યની ટીમની જાહેરાત કરવા માટે છેલ્લી તારીખ 28 સપ્ટેમ્બર નક્કી કરી છે. એટલે કે 28 સપ્ટેમ્બર બાદ આઈસીસીની મંજૂરીમાં ફેરફાર નહીં થાય. 

3 સપ્ટેમ્બરે જાહેર થઈ શકે છે ભારતીય ટીમ 
તેના પહેલા પણ બધા 10 દેશોને પોતાની ફાઈનલ ટીમ જાહેર કરવાની રહેશે. તેને લઈને ઓસ્ટ્રેલિયા અને ઈંગ્લેન્ડ સહિત અમુક દેશોએ પોતાની ટીમો જાહેર કરી છે. પરંતુ હવે ભારતીય ટીમની જાહેરાતની વાર છે. વર્લ્ડ કપ માટે ભારતની કોર ટીમમાં 15થી વધારે ખેલાડી હોઈ શકે છે. 

જણાવી દઈએ કે ભારતીય ક્રિકેટ કંટ્રોલ બોર્ડ વર્લ્ડ કપ માટે ટીમની જાહેરાત 3 સપ્ટેમ્બરે કરવામાં આવી શકે છે. કેપ્ટન રોહિત શર્મા જ હોઈ શકે છે. તેનાથી એક દિવસ પહેલા એટલે કે 2 સપ્ટેમ્બરે ભારત અને પાકિસ્તાનની વચ્ચે એશિયા કપ 2023ના હેઠળ મુકાબલો રમાશે. 

જાણકારી અનુસાર બીસીસીઆઈ 3 સપ્ટેમ્બરે પોતાની 15 સદસ્યોની ટીમની જાહેરાત કરી શકે છે. તેમાં 2 પ્લેયર રિઝર્વ રાખવામાં આવી શકે છે. આ રિઝર્વ પ્લેયર ફાસ્ટ બોલર પ્રસિદ્ધ કૃષ્ણા અને સ્પિન ઓલરાઉન્ડર તિલક વર્મા હોઈ શકે છે. 

વર્લ્ડ કપમાં રમી શકે છે રાહુલ 
વર્લ્ડ કપ પહેલા ભારતીય ટીમને એશિયા કપ પણ રમવાનું છે. જેના માટે બીસીસીઆઈએ 17 સદસ્યોની ટીમ પસંદ કરી છે. તેમાં વિકેટકીપર બેટ્સમેન સંજૂ સેમસનને રિઝર્વમાં રાખ્યા છે. 

સેમસનને કેએલ રાહુલના ઓપ્શનની રીતે લેવામાં આવ્યા છે. રાહુલને ઈજા છે. રાહુલ એશિયા કપમાં પાકિસ્તાનના વિરૂદ્ધ પહેલી મેચમાં રમશે કે નહીં તેને લઈને શંકા છે. જો તે આ મેચ નહીં રમે તો પણ વર્લ્ડ કપ સ્ક્વોડમાં તેટલી જ જગ્યા રહેશે. 

વર્લ્ડ કપ માટે ભારતની સંભવિત ટીમ 
રોહિત શર્મા, શુભમન ગિલ, વિરાટ કોહલી, શ્રેયસ અય્યર, ઈશાન કિશન, સૂર્યકુમાર યાદવ, કેએલ રાહુલ, હાર્દિક પંજ્યા, જસપ્રીત બુમરાહ, રવીન્દ્ર જાડેજા, શાર્દુલ ઠાકુર, અક્ષર પટેલ, કુલદીપ યાદવ, મોહમ્મદ શમી અને મોહમ્મદ સિરાઝ. 

રિઝર્વ પ્લેયરઃ તિલક વર્મા અને પ્રસિદ્ધ કૃષ્ણા.