ગૌરવ / દુશ્મનો પર કહેર બનીને તૂટશે ભારતની MRSAM મિસાઇલ: નેવીએ કર્યું સફળ પરીક્ષણ, જુઓ વીડિયો

• ભારતીય નૌકાદળે મિસાઈલ MRSAM નું સફળ પરીક્ષણ કર્યું 
• INS વિશાખાપટ્ટનમથી મિસાઈલનું પરીક્ષણ સફળ રહ્યું
• મિસાઈલ MRSAM દુશ્મનના કોઈપણ જહાજને કરી શકે છે નષ્ટ 

ભારતે છેલ્લા કેટલાક વર્ષોમાં પોતાને કોઈપણ સ્તરના યુદ્ધનો સામનો કરવા સક્ષમ બનાવવા માટે સખત મહેનત કરી છે. આ દરમિયાન હવે ભારતીય નૌકાદળે સપાટીથી હવામાં પ્રહાર કરનારી મધ્યમ શ્રેણીની મિસાઈલ MRSAM નું સફળ પરીક્ષણ કર્યું છે. INS વિશાખાપટ્ટનમથી કરવામાં આવેલ મિસાઈલનું આ પરીક્ષણ સફળ રહ્યું હતું. 

ભારતીય નૌકાદળ આ મિસાઈલથી દુશ્મનના કોઈપણ જહાજને નષ્ટ કરી શકે છે. MRSAMને DRDO અને IAI દ્વારા સંયુક્ત રીતે વિકસાવવામાં આવ્યું છે. એવું માનવામાં આવે છે કે, આ મિસાઇલોના રૂપમાં ભારતની સશસ્ત્ર દળોને વધુ એક મહાન હથિયાર મળ્યું છે.

#IndianNavy successfully undertook MRSAM firing from #INSVisakhapatnam validating capability to engage Anti Ship Missiles.
MRSAM jointly developed by @DRDO_India & #IAI, & produced at #BDL reflects #IndianNavy's commitment to #AatmaNirbharBharat.@DefenceMinIndia @PMOIndia pic.twitter.com/I8LwCV2WWH

— SpokespersonNavy (@indiannavy) March 7, 2023

શું કહ્યું ભારતીય નૌસેનાએ? 
ભારતીય નૌસેનાએ એક નિવેદન જાહેર કરીને કહ્યું કે, ભારત ડાયનેમિક્સ લિમિટેડ દ્વારા નિર્મિત આ મિસાઈલ આત્મનિર્ભર ભારત પ્રત્યે નેવીની પ્રતિબદ્ધતા દર્શાવે છે. તમને જણાવી દઈએ કે, આ પહેલા આ મિસાઈલ હવામાં જહાજોને નિશાન બનાવવાની ક્ષમતા સાબિત કરી ચૂકી છે. થોડા મહિના પહેલા કરવામાં આવેલા પરીક્ષણમાં મિસાઈલે ઝડપથી આગળ વધતા માનવરહિત હવાઈ લક્ષ્યને સંપૂર્ણ રીતે નષ્ટ કરી દીધું હતું. મિસાઈલે હવામાં તેજ ગતિએ ઉડતા વિમાનને અનુસરીને તેના પર સીધો હુમલો કર્યો.

MRSAM કઈ વિશેષ સુવિધાઓથી સજ્જ ? 
MRSAM નું આર્મી વર્ઝન એ સપાટીથી હવામાં પ્રહાર કરતી મિસાઈલ છે, જે ભારતના ડીઆરડીઓ અને ઈઝરાયેલની આઈએઆઈ દ્વારા સંયુક્ત રીતે ભારતીય સેના દ્વારા ઉપયોગમાં લેવા માટે વિકસાવવામાં આવી છે. MRSAM આર્મી વેપન સિસ્ટમમાં કમાન્ડ પોસ્ટ, મલ્ટી-ફંક્શન રડાર અને મોબાઇલ લોન્ચર સિસ્ટમનો સમાવેશ થાય છે. ડિલિવરેબલ કન્ફિગરેશનમાં ટ્રાયલ દરમિયાન સંપૂર્ણ ફાયર યુનિટનો ઉપયોગ કરવામાં આવ્યો છે. એવું માનવામાં આવે છે કે, આ મિસાઇલોના રૂપમાં ભારતની સશસ્ત્ર દળોને વધુ એક મહાન હથિયાર મળ્યું છે.