ભવ્ય સ્વાગત / સેલ્ફી લીધી, આશીર્વાદ માંગ્યા, માતાનું પોસ્ટર ભેટમાં આપ્યું....'હર હર મોદી, ઘર ઘર મોદી'ના નારા સાથે પાપુઆ ન્યુ ગિનીમાં વડાપ્રધાનનું ઉષ્માભર્યું સ્વાગત

• પ્રધાનમંત્રી પાપુઆ ન્યૂ ગિની પહોંચ્યા 
• હર હર મોદી અને ઘર ઘર મોદીના નારા 
• જેમ્સ મારાપે PM મોદીને પગે લાગ્યા

પ્રધાનમંત્રી નરેન્દ્ર મોદી રવિવારે પાપુઆ ન્યૂ ગિનીની રાજધાની મોરેસ્બી પહોંચ્યા હતા. જ્યાં તેમનું ખૂબ જ સ્વાગત કરવામાં આવ્યું હતું. પ્રધાનમંત્રી નરેન્દ્ર મોદીને જોઈને સેંકડો લોકોએ હર હર મોદી અને ઘર ઘર મોદીના નારા લગાવ્યા હતા. ભીડમાં એક વ્યક્તિએ પ્રધાનમંત્રી નરેન્દ્ર મોદીને તેમના દિવંગત માતા હીરાબેનનું પોસ્ટર આપ્યું હતું, જેમાં તેઓ હીરાબેનના ચરણોમાં બેઠેલા જોવા મળી રહ્યા હતા. પાપુઆ ન્યૂ ગિનીના પ્રધાનમંત્રી જેમ્સ મારાપે PM મોદીને પગે લાગ્યા હતા અને તેમના આશીર્વાદ લીધા હતા. 

આબાલ વૃદ્ધ તમામ લોકોએ કર્યું સ્વાગત
પ્રધાનમંત્રી નરેન્દ્ર મોદીને શુભકામનાઓ આપવા માટે તમામ ઉંમરના લોકો એકત્ર થયા હતા. અનેક લોકોએ પ્રધાનમંત્રી નરેન્દ્ર મોદી સાથે સેલ્ફી લીધી. ભારતીય સમુદાયના કેટલાક સભ્યોએ પ્રધાનમંત્રી નરેન્દ્ર મોદીને તેમના દિવંગત માતા હીરાબેનનું પોસ્ટર આપ્યું હતું, જેમાં તેઓ હીરાબેનના ચરણોમાં બેઠેલા જોવા મળી રહ્યા હતા. મોરેસ્બી એરપોર્ટ પર પાપુઆ ન્યૂ ગિનીના પ્રધાનમંત્રી જેમ્સ મારાપે PM મોદીને પગે લાગ્યા હતા અને તેમના આશીર્વાદ લીધા. 

The Indian community in Papua New Guinea came in large numbers and showed remarkable affection. Thankful to them for the memorable welcome. pic.twitter.com/K1BT4RGe7B

— Narendra Modi (@narendramodi) May 21, 2023

ગાર્ડ ઓફ ઓનર
પ્રધાનમંત્રી નરેન્દ્ર મોદીને ગાર્ડ ઓફ ઓનર આપવામાં આવ્યું. પાપુઆ ન્યૂ ગિનીમાં પ્રધાનમંત્રી નરેન્દ્ર મોદીનો પહેલો પ્રવાસ છે. પહેલીવાર ભારતના પ્રધાનમંત્રીની ઈન્ડો પેસિફિક દેશની પહેલી યાત્રા છે. 

'પ્રધાનમંત્રી જેમ્સ મારાપેનો આભારી'
પ્રધાનમંત્રી નરેન્દ્ર મોદીએ ટ્વિટ કરીને જણાવ્યું છે કે, ‘એરપોર્ટ સ્વાગત કરવા માટે પ્રધાનમંત્રી જેમ્સ મારાપેનો આભારી છું. આ આદર અને સમ્માન ખૂબ જ મહત્ત્વપૂર્ણ બાબત છે, જે હંમેશા યાદ રહેશે. આ યાત્રા દરમિયાન ભારતના સંબંધોને પ્રોત્સાહન આપવા માટે ખૂબ જ ઉત્સુક છું.’ સામાન્ય રીતે સૂર્યાસ્ત પછી કોઈપણ નેતાનું ઔપચારિક સ્વાગત કરતું નથી, પરંતુ પ્રધાનમંત્રી નરેન્દ્ર મોદીનું ઔપચારિક સ્વાગત કરવામાં આવ્યું છે. પ્રધાનમંત્રી નરેન્દ્ર મોદી FIPICના ત્રીજા શિખર સંમેલનની મેજબાની કરશે.