ફફડાટ / અમદાવાદમાં રનવેને અડીને ફરી ઉપડી ગયું વિમાન, 100 યાત્રીઓના જીવ મુઠ્ઠીમાં આવ્યાં, કેમ આવું થયું તે ચોંકાવનારું

• અમદાવાદ એરપોર્ટ પરની ચકચારી ઘટના
• વિમાનમાં સવાર લોકોમાં ફફડાટ ફેલાયો'
• વિમાનનું લેન્ડિંગ યોગ્ય રીતે નકરાયું

અમદાવાદના સરદાર વલ્લભભાઈ એરપોર્ટ પર ગત સોમવારે ચકચારી ઘટના બની હતી. જેમાં ચંદીગઢથી આવેલ વિમાનનું વ્હીલ રનવેને સ્પર્શતાની સાથે જ અચાનક તેજ ગતિએ ટેકઓફ થયું હતું. જેને લઈને શું થયું? એ એક જ સવાલનો ગણગણાટ ઉપડ્યો હતો. આ વેળાએ 100 જેટલા મુસાફરો હોવાથી વિમાનમાં દેકારો બોલી ગયો હતો.આ કિસ્સાને લઈને વિમાનમાં સવાર લોકોમાં ફફડાટ ફેલાયો હતો.

ઉડ્ડયન મંત્રીને મેઇલ થકી રજૂઆત

જાણવા મળતી વિગત અનુસાર સોમવારે રાત્રે આ ઘટના બની હતી. આ મામલે ફ્લાઇટ નંબર 6E 6056ના પેસેન્જર અને વડોદરા ખાતે રહેતા ડૉ. નીલ ઠક્કરે કહ્યું  હતું કે 'વિમાન રાત્રે 8.45 વાગ્યે લેન્ડિંગ થવા જઈ રહ્યું હતું. આ દરમિયાન રનવે પર પહોચતાની સાથે જ ફરી ઉડવા લાગ્યું હતું. બમની સ્પીડે ઉડતા લોકોમાં ચિંતા છવાઈ હતી. પ્લેનના પાયલોટે અચાનક  ટેક ઓફ કર્યું અને તેજ સ્પીડ સાથે પાછું આકાશમાં ઉડતા અમે ગભરાઈ ગયા હતા, કોઈ પણ જાતના કારણ વગર એકાએક આમ કરાતા મનમાં અનેક સવાલો ઉભા થયા હતા.અમુક મુસાફર એ આ મામલે DGCA અને કેન્દ્રીય નાગરિક ઉડ્ડયન મંત્રીને મેઇલ થકી રજૂઆત કરી હોવાનું પણઅ જાણવા મળી રહ્યું છે. 

 20 મિનીટ પછી પ્લેન લેન્ડ થયું
 આવું કરવા પાછળ સુત્રોમાંથી એવું જાણવા મળી રહ્યું છે કે વિમાનનું લેન્ડિંગ યોગ્ય રીતે કરવામાં આવ્યું ન હોવાથી આ પ્રકારનો નિર્ણય કરવામાં આવ્યો હતો. અયોગ્ય લેન્ડિંગને લઈને ટ્રાફિક કંટ્રોલરે પાયલટને તરત જ ટેકઓફ આદેશ જારી કર્યા હતા. બાદમાં 20 મિનીટ પછી પ્લેન લેન્ડ થયું હતું. જો કે આ દરમિયાન કોઈ મુસાફરને ઈજા કે અન્ય કોઈ સમસ્યા થઈ હોવાનું જાણવા મળતું નથી. પેસેન્જર તેજસ જોશીએ આ અંગે ટ્વીટમાં માહિતી આપી હતી ચંદીગઢથી અમદાવાદની ફ્લાઈટ (6E 6056) અમદાવાદ એરપોર્ટ પર ઉતરી પ્રથમ ઉતર્યા બાદ એકાએક ઉડાન ભરતા મુસાફરો ડર્યા હતા.