Iran Air Strikes / ઈરાનની એરસ્ટ્રાઈક બાદ ભારતે જે નિવેદન આપ્યું, તેનાથી પાકિસ્તાનને જરૂર લાગશે ઝટકો

• ઈરાને પાકિસ્તાનના આતંકી ઠેકાણા પર એરસ્ટ્રાઈક કરી હતી. 
• હવે આ મામલે ભારત તરફથી પણ નિવેદન સામે આવ્યું છે.
• ઈરાન દ્વારા સેલ્ફ ડિફેન્સમાં આ કાર્યવાહી કરવામાં આવી છે. 

ભારતના પડોશી પાકિસ્તાનનો એક નવો દુશ્મન ઊભો થયો છે. ઈરાને કોઈ પણ જાતની ઉશ્કેરણી વગર પાકિસ્તાનની એરસ્પેસમાં ઘૂસીને રિવોલ્યુશનરી ગાર્ડે બલુચિસ્તાનમાં આતંકી ઠેકાણા પર એરસ્ટ્રાઈક કરી હતી. ઈરાને દાવો કર્યો હતો કે પાકિસ્તાનમાં જૈશ અલ-અદલ નામનું આતંકવાદી સંગઠન છે. આ આતંકવાદીઓએ પાકિસ્તાનના બલૂચિસ્તાનના કેટલાક વિસ્તારોમાં આશ્રય લીધો છે અને તેઓએ આ સંગઠનના સ્થાનો પર રોકેટ છોડ્યા છે. 

Our response to media queries regarding Iran's air strikes in Pakistan:https://t.co/45NAxXTpkG pic.twitter.com/1P4Csj5Ftb

— Randhir Jaiswal (@MEAIndia) January 17, 2024

આ હુમલાને લઈને પાકિસ્તાન તરફથી પણ તીખી પ્રતિક્રિયા આવી હતી. પાકિસ્તાને કહ્યું કે આ હુમલાના "ગંભીર પરિણામ" આવી શકે છે. આ એર સ્ટ્રાઈક બાદ હવે પાકિસ્તાન પણ એક્શન મોડમાં આવી ગઈ છે. પાકિસ્તાની મીડિયાએ દાવો કર્યો છે કે પાકિસ્તાને ઈરાનમાં ઘણા આતંકવાદી ટાર્ગેટ પર હુમલો કર્યો છે. જો કે આ હુમલો ક્યાં અને ક્યારે કરવામાં આવ્યો તે અંગે કોઈ માહિતી આપી નથી. હવે આ મામલે ભારત તરફથી પણ નિવેદન આવ્યું છે.

ઈરાનના પાકિસ્તાન હુમલા પર ભારતના વિદેશ મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે ઈરાન દ્વારા સેલ્ફ ડિફેન્સ એટલે કે સ્વબચાવમાં આ કાર્યવાહી કરવામાં આવી છે. વિદેશ મંત્રાલયના પ્રવક્તા રણધીર જયસ્વાલે કહ્યું, 'આ મામલો ઈરાન અને પાકિસ્તાન વચ્ચેનો છે. જ્યાં સુધી ભારતનો સવાલ છે, આતંકવાદ સામે અમારી નીતિ ઝીરો ટોલરન્સની છે. સેલ્ફ ડિફેન્સમાં દેશ જે પગલાં લે છે તે અમે સમજીએ છીએ.'

પાકિસ્તાનના બલૂચિસ્તાનમાં મિસાઈલ અને ડ્રોનથી હુમલો થયો હતો. ઈરાને હુમલાની જવાબદારી લેતા કહ્યું કે, અમે આતંકવાદી સંગઠન જૈશ અલ-અદલના ઠેકાણાઓને ઉડાવી દીધા છે. જે ઈરાન અને પાકિસ્તાનની સરહદ નજીકના વિસ્તારો પર આવેલા છે. ઈરાને આ પહેલા પણ પાકિસ્તાનને જૈશ અલ-અદલ વિરૂદ્ધ કાર્યવાહી કરવાની ઘણી વખત ચેતવણી આપી હતી.  

વધુ વાંચો: Air Strikeનો બદલો: હવે ઇરાનના અનેક આતંકી ઠેકાણાંઓ પર પાકિસ્તાને હુમલો કર્યાનો દાવો

પાકિસ્તાને 17 જાન્યુઆરીની સવારે એક નિવેદન જારી કરીને કહ્યું હતું કે ઈરાનના હુમલામાં 'બે માસૂમ બાળકોના મોત થયા છે અને ત્રણ છોકરીઓ ઘાયલ થઈ છે'. પાકિસ્તાનના વિદેશ મંત્રાલયે એક નિવેદન જારી કરીને કહ્યું કે તે તેના એરસ્પેસના 'બિનજરૂરી ઉલ્લંઘન'ની સખત નિંદા કરે છે. જો કે ઘટના અંગે ઈરાનના વિદેશ મંત્રી હુસૈન અમીર અબ્દુલ્લાહિયાએ કહ્યું કે ઈરાને કોઈ પાકિસ્તાની નાગરિકને નિશાન બનાવ્યું નથી. અમે જૈશ અલ-અદલની જગ્યાઓ પર જ હુમલો કર્યો.