મહામારી / છેલ્લા અઠવાડિયામાં ગુજરાતના 4 પૂર્વ IAS અધિકારીઓના કોરોનાથી નિધન

• સંજય ગુપ્તા, સવર્ણકાંતા વર્મા, એલ માનસિંહ,સંજીવી સુંદરનું કોરોનાથી નિધન
• સંજય ગુપ્તાનું લખનઉમાં નિધન થયું
• સવર્ણકાંતા વર્માનું અમદાવાદમાં થયું નિધન 
• દિલ્હીમાં નિવૃત આઈએએસ અધિકારી એલ માનસિંહનું પણ અવસાન થયું 

1985 ની બેચના આઈએએસ સંજય ગુપ્તાનું લખનઉમાં કોરોનાને કારણે નિધન થયું
ગુજરાતના પૂર્વ IAS સંજય ગુપ્તાનું લખનઉમાં નિધન થયું છે. લખનઉની એક ખાનગી હોસ્પિટલમાં સારવાર દરમિયાન તેમનું મોત થયું છે. સંજય ગુપ્તા ફેફસાની ગંભીર બીમારીથી પીડાઈ રહ્યા હતા. તમને જણાવી દઇએ કે, સંજય ગુપ્તાને લખનઉની પીજીઆઇ હોસ્પિટલમાં છેલ્લા 15 દિવસથી દાખલ કરવામાં આવ્યા હતા. સંજય ગુપ્તાને વેન્ટિલેટર પર રાખવામાં આવ્યા હતા અને ગઈકાલે રાત્રે તેમણે અંતિમ શ્વાસ લીધા હતા. સંજય ગુપ્તા 1985 બેંચના આઇએએસ અધિકારી હતા.

કોરોનાને લીધે અમદાવાદમાં સવર્ણકાંતા વર્માએ પણ જીવ ગુમાવ્યો

નિવૃત આઈએસ અધિકારી સવર્ણકાંતા વર્માનું પણ કોરોનાને કારણે અમદાવાદમાં નિધન થયું હતું. તેમણે ગુજરાત સરકારના વિવિધ વિભાગોમાં સેવાઓ આપી હતી તેઓ 22 એપ્રિલે કોરોના સંક્રમિત થયા હતા. 

દિલ્હીમાં નિવૃત આઈએએસ અધિકારી એલ માનસિંહનું પણ અવસાન થયું 
ગુજરાતના વધુ એક નિવૃત આઈએએસ અધિકારી એલ માનસિંહનું પણ કોરોનાને લીધે નવી દિલ્હીની હોસ્પિટલમાં મોત થયું હતું.

નિવૃત આઈએએસ અધિકારી સંજીવી સુંદરનું પણ દિલ્હીમાં નિધન થયું. 
સંજીવી સુંદર 1963 ની બેચના નિવૃત આઈએએસ અધિકારી હતી તેમણે ફેલો એટ ધ એનર્જી એન્ડ રિસોર્સ ઈન્સ્ટીટ્યુટ ખાતે ફરજ બજાવી હતી. તેમની પુત્રી નંદીની સુંદરે ટ્વિટ કરીને જાણકારી આપી કે મારા પિતાનું કોરોનાને કારણે અવસાન થયું છે. 82 વર્ષીય સુંદર તેમની પાછળ પત્ની પુષ્પા તથા પુત્રીઓ અર્પણા અને નંદીનીને વિલાપ કરતા છોડી ગયા છે.તેઓ 1963 ની સાલમાં સિવિલ સર્વિસીસમાં જોડાયા હતા અને 1997 માં ટ્રાન્સપોર્ટ મિનિસ્ટ્રીમંથી સેક્રેટરી તરીકે નિવૃત થયા હતા. પોતાની 34 વર્ષની સેવા દરમિયાન તેમણે ગુજરાતના જિલ્લા તથા રાજ્ય સરકારના વિવિધ વિભાગોમાં કામ કર્યું હતું .