રોષ / અમદાવાદમાં અધૂરા રોડના કામ તો પંચમહાલ પંથકમાં ગેરરીતિની રાવ સાથે લોકો વિફર્યા, પછી થઈ જોયા જેવી

• અમદાવાદમાં અધૂરા રોડના કામથી લોકો પરેશાન
• પંચમહાલના બોરું ગામમાં ગ્રામજનોનો હલ્લાબોલ 
• ડામર રોડના કામમાં ગેરરીતિ થતી હોવાની રાવ સાથે ગ્રામજનોએ કામ બંધ કરાવ્યું 

અમદાવાદ શહેરના પૂર્વ વિસ્તારમાં દિવાળી પહેલા શરૂ કરાયેલી માર્ગની કામગીરી હજુ પણ પૂર્ણ કરવામાં ન આવતા સ્થાનિકોને હાડમારીનો કોઈ પાર નથી. અનિલ સ્ટાર્ચ મિલ પાસે બનાવવામાં આવી રહેલા રસ્તાનું કામ છેલ્લા 20 દિવસથી બંધ પડ્યુ હોવાથી સ્થાનિકોનો રોષ વ્યકત કરી રહ્યા છે.

દિવાળી પહેલા શરૂ કરેલી કામગીરી હજુ પણ અધૂરી

અમદાવાદ શહેરમાં કોર્પોરેશન દ્વારા વાઈટ ટેપિંગ પદ્ધતિથી રોડ બનાવવાની કામગીરી દિવાળી પહેલા હાથ ધરાવમાં આવી હતી. શહેરમાં કોર્પોરેશન દ્વારા દિવાળી પહેલા શરૂ કરેલી કામગીરી હજુ પણ પુરી કરવામાં આવી નથી. શહેરના પૂર્વ વિસ્તારમાં અનિલ સ્ટાર્ચ મિલ પાસે દિવાળી સમયે રોડનું સમારકામ હાથ ધરવામાં આવ્યું હતું જે હજુ સુધી પૂર્ણ કરવામાં આવ્યું નથી. જેમાં અત્યાર સુધી માત્ર 800 મીટર જેટલો રોડ બનાવીને બાકી કામ છેલ્લા 20 દિવસથી બંધ હાલતમાં છે.પૂર્વ વિસ્તારના લોકોને કાલુપુર અને સિટીમાં આવવા માટે આ મુખ્ય રસ્તો છે જે છેલ્લા 2 મહિનાથી કેલાતું કામ પૂર્ણ ના થતા આ રોડ પરથી લોકો અવરજવર કરવા માટે મજબુર બન્યા છે. બીજી બાજુ કામની ગુણવત્તા બાબતે પણ કોઈ ચકાસણી કરવામાં ન આવતી હોવાની સ્થાનિકોએ રાવ ઉઠાવી છે.

પંચમહાલમાં મોટી સંખ્યામાં ગ્રામજનો એ એકત્રિત થઈ રસ્તો રોકી કામ બંધ કરાવ્યું

બીજી બાજુ કાલોલ તાલુકાના બાકરોલ ગામથી બોરુ ગામ તરફ જવાના રસ્તાના કામમાં ગેરરીતિની રાવ ઉઠી છે.કોન્ટ્રાક્ટર અને માર્ગ મકાન વિભાગના અધિકારીઓની મિલીભગતના લોકોએ આક્ષેપ કર્યા હતા.આ રસ્તાના કામમાં હલકી ગુણવત્તાનો માલ વાપરવામાં આવતા ગ્રામજનો વિફર્યા હતા અને કામગીરી બંધ કરાવી હતી. જેને લઈને સ્થાનિક અધિકારીઓ ઘટનાસ્થળે પહોંચ્યા હતા.આ દરમિયાન સ્થાનિકોની માંગ હતી કે રોડ પર સરકારના ધારા ધોરણ મુજબ જે કામ થતું હોય તે કરવા માટે ગ્રામજનોએ બંધ કરાવ્યો હતો એક કરોડ ઉપરાંતની રકમનો રોડ મંજૂર થયો હતો પરંતુ ગેરરીતિ આચરવામાં આવતા રોડ હાથથી ઉખડી જાય તેવો થયો હતો. જેને લઈને લોકોએ રોષ ઠાલવ્યો હતો.