ચેતજો / ફોનથી સૂર્યગ્રહણની તસવીર ખેંચવાનું વિચારતા હોય તો સાવધાન, NASA જાહેર કરી આ વોર્નિંગ

અમેરિકાની સ્પેસ એજન્સી નાસાએ 8 એપ્રિલે થનારા સૂર્યગ્રહણ 2024ને લઈને મહત્વપૂર્ણ ચેતવણી આપી છે. જો તમે સૂર્યગ્રહણ વિશે ઉત્સાહિત છો અને તમારા સ્માર્ટફોનમાંથી આ દુર્લભ ખગોળીય ઘટનાના ફોટા ક્લિક કરવા માંગો છો, તો તમારે સાવચેત રહેવું જોઈએ. ખરેખર, પ્રખ્યાત યુટ્યુબર માર્કસ બ્રાઉનલીએ તેના X હેન્ડલ પર એક પોસ્ટ કરી.

આ પોસ્ટમાં તેમણે લખ્યું છે કે, "આજ સુધી મને એ વાતનો જવાબ નથી મળ્યો કે શું સ્માર્ટફોનથી સૂર્યગ્રહણના ફોટા લેવાથી ફોનના કેમેરા સેન્સરને નુકસાન થઈ શકે છે?" માર્કસની આ પોસ્ટને લઇને નાસા તરફથી આશ્ચર્યજનક ઉત્તર મળ્યો છે. 

નાસા શું કહે છે?

માર્કસને જવાબ આપતાં નાસાએ પોતાના ફોટો વિભાગને ટાંકીને લખ્યું કે, "સ્માર્ટફોન કેમેરાથી સૂર્યગ્રહણના ફોટા લેવાથી કેમેરા સેન્સરને નુકસાન થઈ શકે છે." નાસાએ એ પણ જણાવ્યું કે ફોનના કેમેરા સેન્સરને કેવી રીતે સુરક્ષિત રાખવું. નાસાએ કહ્યું કે, કેમેરા સેન્સરને સૂર્યગ્રહણની ખતરનાક શ્રેણીથી બચાવવા માટે લેન્સની આગળ ઇકલિપ્સ કાચ લગાવવો આવશ્યક છે. જેથી તમારો ફોન સંપૂર્ણ રીતે સુરક્ષિત રહેશે.

આ પણ વાંચોઃ સૂર્યગ્રહણ કારણે 4 રાશિઓની મુશ્કેલી વધશે, જાણો તમારી રાશિ પર શું અસર થશે

સંપૂર્ણ સૂર્યગ્રહણ શું છે?

મહત્વપૂર્ણ છે કે  8 એપ્રિલે આ દુર્લભ ખગોળીય ઘટના જોવા મળશે. ઉત્તર અમેરિકામાં સંપૂર્ણ સૂર્યગ્રહણ થશે. આ ગ્રહણ મેક્સિકોના દરિયાકાંઠેથી અમેરિકા અને કેનેડા સુધી વિસ્તરશે. જ્યારે ચંદ્ર સૂર્ય અને પૃથ્વીની વચ્ચે આવે છે ત્યારે ગ્રહણ થાય છે. જેના કારણે ચંદ્રનો પડછાયો પૃથ્વી પર પડે છે. જ્યાં આ પડછાયો પડે છે ત્યાં દિવસ રાત જેવો લાગે છે. આ ઘટના દર 18 મહિનામાં પૃથ્વી પર ક્યાંક ને ક્યાંક બને છે. 8 એપ્રિલે થનારું ગ્રહણ ભારે વસ્તીવાળી જમીનમાંથી પસાર થઈ રહ્યું છે. આ કારણથી વૈજ્ઞાનિકો તેના પર વિશેષ ધ્યાન આપે છે. આ માટે વૈજ્ઞાનિકોએ ખાસ તૈયારીઓ પણ કરી છે અને જંગલો અને પ્રાણી સંગ્રહાલયમાં પ્રાણીઓની ગતિવિધિઓ અને અવાજો રેકોર્ડ કરવામાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો