DIWALI 2023 / દિવાળીના દિવસે આ 5 વસ્તુઓ જોવા મળે તો સમજી લેવું કે મા લક્ષ્મી થઈ ગયા છે પ્રસન્ન, જલ્દી ખુલશે પ્રગતિના દ્વાર

• દિવાળીનો પાંચ દિવસનો તહેવાર શરુ થવા જઈ રહ્યો છે
• દિવાળીના દિવસે જો આ 5 વસ્તુઓ જોવા મળે તો ખુલશે નસીબ 
• સમજી જવું કે ઘરમાં દેવી લક્ષ્મીનું આગમન થઈ ગયું છે

દિવાળીનો પાંચ દિવસનો તહેવાર શરુ થવા જઈ રહ્યો છે. દિવાળીનો તહેવાર દેવી લક્ષ્મીને પ્રસન્ન કરવાનો અને તેમના આશીર્વાદ મેળવવાનો તહેવાર છે. દેવી લક્ષ્મીનું સ્વાગત કરવા માટે, લોકો તેમના ઘરને સાફ કરે છે અને તેમને ખૂબ શણગારે છે. દિવાળીને લઈને કેટલીક વિશેષ માન્યતાઓ પ્રચલિત છે. દિવાળી પર કેટલીક વસ્તુઓ જોવી ખૂબ જ શુભ માનવામાં આવે છે. એવું માનવામાં આવે છે કે તેમને જોવાથી તમારા ઘરમાં આશીર્વાદ આવે છે અને આખા વર્ષ દરમિયાન પૈસાની કોઈ કમી નથી રહેતી. 

વાસ્તુશાસ્ત્રમાં એવા જીવ-જંતુનો ઉલ્લેખ છે જેને જોવા શુભ માનવામાં આવે છે. સામાન્ય દિવસોમાં તેમને જોવું સામાન્ય વાત હશે, પરંતુ દિવાળી પર તેમને જોવાનો અર્થ એ છે કે તમારા જીવનમાં પ્રગતિના દ્વાર ખુલવાના છે. એવું કહેવાય છે કે દિવાળીના દિવસે તેમને ઘરમાં જોવાથી સ્પષ્ટ થાય છે કે ઘરમાં દેવી લક્ષ્મીનું આગમન થઈ ગયું છે. આ જ કારણ છે કે ઘરના વડીલો ઘણીવાર દિવાળીના દિવસે સાંજે બધા દરવાજા ખુલ્લા રાખવાની સલાહ આપે છે.  

દિવાળીના દિવસે ઘુવડના દર્શન 
દિવાળીના દિવસે ઘુવડના દર્શન કરવું શુભ માનવામાં આવે છે. ઘુવડને લક્ષ્મીજીનું વાહન માનવામાં આવે છે. તેથી, ઘુવડ દેખાવું દેવી લક્ષ્મીના આશીર્વાદ સાથે જોડાયેલ છે.

ગરોળીના દર્શન 
ઘરમાં ગરોળી ઘણીવાર ઘરમાં જોવા મળે છે. જો તે દિવાળીની રાત્રે ઘરમાં ક્યાંય જોવા મળે તો તે ખૂબ જ શુભ ફળ આપનાર માનવામાં આવે છે. દિવાળી પર ગરોળીનું દર્શન દેવી લક્ષ્મીની પ્રસન્નતાનું સૂચક માનવામાં આવે છે.

છછુંદર 
દિવાળીની રાત્રે ઘરમાં ક્યાંક છછુંદર દેખાય તો ખુશ થઈ જાવ. જ્યારે છછુંદર આવે છે, ત્યારે તે પોતાની સાથે પૈસા પણ લાવે છે.  

કાળી કીડી
દિવાળીના દિવસે ઘરમાં કાળી કીડીઓ જોવા પણ ખૂબ જ શુભ સંકેત છે. ઘરમાં જ્યાં સોનાની વસ્તુઓ રાખવામાં આવે છે ત્યાંથી જો કાળી કીડીઓ નીકળે તો તે ખૂબ જ શુભ માનવામાં આવે છે. મતલબ કે સોના-ચાંદીની સંપત્તિમાં વધારો થવાનો છે.