તમારાં કામનું / દુબળા-પાતળા હોવ અને વજન વધારવું હોય તો શિયાળામાં દરરોજ ઘરે જ બનાવીને પીવો આ શેક, મળશે જબરદસ્ત ફાયદા

• ખજૂર શેકનાં સેવનથી વજન વધે
• પાચન તંત્ર માટે ફાયદાકારક 
• હાડકાં મજબૂત બનાવે 

ઘણાં લોકો વજન વધારવા માંગતા હોય છે. વજન ઓછું હોવાનાં લીધે આત્મવિશ્વાસ પણ નબળો પળી જાય છે. ઘણીવાર લોકો વજન વધારવા માટે દવા અને પાવડરનો ઉપયોગ કરતાં હોય છે. જે સ્વાસ્થ્ય માટે નુકશાનકારક છે અને જેનાં કારણે યોગ્ય પરિણામ પણ નથી મળતું. એવામાં જો તમે સ્વસ્થ રીતે વજન વધારવા માંગતા હોય તો, તમારે દરરોજ એક ગ્લાસ ખજૂર શેક પીવો જોઈએ. ખજૂર પોષક તત્વોથી ભરપૂર હોય છે. તેમાં સોડિયમ, પોટેશિયમ, પ્રોટીન, આયર્ન અને વિટામિન C હોય છે.  ખજૂર શેકનાં સેવનથી વજન તો વધે જ છે પણ સાથે-સાથે શરીરની ઉણપ પણ દૂર થાય છે. શરીરનું હિમોગ્લોબિન વધારવામાં મદદરૂપ થાય છે. જો તમને જલ્દી મોસમી બીમારીઓ થઈ જતી હોય તો, એવામાં ખજૂર શેકનું સેવન કરવું.  આવું કરવાથી તમારી રોગપ્રતિકારક શક્તિ મજબૂત બનશે અને તમારાં શરીરને બીમારીઓ સામે લડવાની તાકાત મળશે. ખજૂરની અંદર ભરપૂર માત્રામાં ફેલોનિક એસિડ હોય છે. જે વજન વધારવામાં મદદરૂપ થાય છે. 

પાચન તંત્ર માટે ફાયદાકારક 
ખજૂરના શેકનું સેવન કરવાથી પેટને લગતી સમસ્યાઓ દૂર થાય છે.  ખજૂરની અંદર ફાયબર હોય છે જેનાં લીધે કબજિયાત, એસિડિટી, ગેસ અને અપચની સમસ્યા દૂર થાય છે.  જેનાં કારણે પેટ સાફ રહે છે અને ભૂખ વધે છે. આમ વજન વધારવામાં મદદ મળે છે. 

કેલરીથી ભરપૂર 
શરીરને વજન વધારવા માટે કેલરીની જરૂર હોય છે. 100 ગ્રામ ખજૂરની અંદર 282 ગ્રામ કેલરી હોય છે. જે વજનને જલ્દીથી વધારે છે.  દૂધ અને ખજૂરનો શેક પીવાથી એક યોગ્ય મિશ્રણ બને છે જે વજન વધારવામાં મદદરૂપ થાય છે. 

મજબૂત રોગપ્રતિકારક શક્તિ 
દરરોજ નિયમિત રીતે ખજૂર શેક પીવાથી, વજન જલ્દીથી વધે છે.  ખજૂરની અંદર ભરપૂર માત્રામાં વિટામિન C હોય છે જે આપણને મોસમી બિમારીઓથી બચાવે છે. જેથી તમારું વજન જલ્દીથી વધે છે. 

હાડકાં મજબૂત બનાવે 
ખજૂરની અંદર ભરપૂર માત્રામાં કેલ્શિયમ હોય છે. જેથી તે હાડકાંને મજબૂત બનાવે છે. 

ખજૂર શેક બનાવવાની રીત 
ખજૂર શેક બનાવવાં માટે 1 ગ્લાસ દૂધ અને 3થી 4 ખજૂર લેવાં.  બંને ને બ્લેન્ડરમાં નાખો હવે તેની અંદર થોડું તજ પાવડર ઉમેરવું.  હવે તેને બ્લેન્ડ કરી લો. તમારો ખજૂર શેક તૈયાર.  ખજૂરનો સ્વાદ મીઠો હોય છે. તેથી તેની અંદર અન્ય કોઈ વસ્તુ ઉમેરવાની જરૂર નથી.