તમારા કામનું / WhatsApp પર GF-BFની ચેટ આ રીતે કરો હાઇડ! તમારા સિવાય કોઈ નહીં વાંચી શકે મેસેજ

• વ્હોટ્સએપમાં એક નવું પ્રાઈવસી ફીચર આપવામાં આવ્યું છે
• આ ફીચર્સ એન્ડ્રોઈડ અને ios બંને યૂઝર્સ માટે રોલ આઉટ
• વ્હોટ્સએપ લોક ચેટ્સના કન્ટેન્ટ નોટિફિકેશન પણ હાઈડ કરી દેશે

 વ્હોટ્સએપમાં એક નવું પ્રાઈવસી ફીચર રજૂ કરવામાં આવ્યું છે. જો તમને હંમેશા એવો ડર હોય કે, કોઈ વ્યક્તિ તમારી અને તમારા પાર્ટનરની ચેટ વાંચી ના લે તો હવેથી તમારે પરેશાન થવાની જરૂર નથી. વ્હોટ્સએપ તમારા માટે એક નવું ચેટ લોક ફીચર લઈને આવ્યું છે. ચેટ લોક કર્યા પછી તમે માત્ર તે જ ચેટ એક્સેસ કરી શકશો. ચેટ લોક કર્યા પછી ચેટ એક સિક્યોર ફોલ્ડરમાં સ્ટોર થઈ જશે. તમને જણાવી દઈએ કે, વ્હોટ્સએપ લોક ચેટ્સના કન્ટેન્ટ નોટિફિકેશન પણ હાઈડ કરી દેશે. આ ફીચર્સ એન્ડ્રોઈડ અને ios બંને યૂઝર્સ માટે રોલ આઉટ કરવામાં આવ્યું છે. 

વ્હોટ્સએપ ચેટ લોક ફીચર 
વ્હોટ્સએપનું આ ફીચર લોક ચેટને એક અલગ ફોલ્ડર બનાવી દેશે, આર્કાઈવ ચેટ્સનું પણ આ પ્રમાણે ફોલ્ડર બને છે. ચેટ લોકના તે ફોલ્ડર પર ક્લિક કરીને જે ચેટ લોક છે, તે ચેટ એક્સેસ કરી શકાય છે. લોક કરેલ ચેટ, ચેટ લિસ્ટમાં દેખાતી નથી. આ પ્રકારે જો કોઈ વ્યક્તિ તમારો ફોન એક્સેસ કરે તો પણ તે વ્યક્તિ તમારા પાર્ટનરની ચેટ સુધી પહોંચી શકતી નથી અને પહોંચે તો પણ ચેટ અનલોક કરવાની રહેશે. આ લોક ચેટ ફોલ્ડર માત્ર તમારા ડિવાઈસ અથવા બાયોમેટ્રિક ઓથેંટિકેશનથી જ ખોલી શકાય છે. 

વ્હોટ્સએપ ચેટ કેવી રીતે લોક કરવી?

• ચેટ ઈન્ફો સેક્શનમાં વ્હોટ્સએપ ચેટ લોક કરવા માટેનું ફીચર હશે. 
• જ્યારે તમે કોઈ પર્ટિક્યુલર ચેટ લોક કરવા માંગો છો, તો તે ચેટ ઓપન કરો. 
• હવે ઈન્ફો સેક્શન પર જઈને નીચે સ્ક્રોલ કરો. 
• ચેટ લોક ઓપ્શન પર ક્લિક કરો. 
• હવે તમારી ફિંગરપ્રિંટથી ચેટ લોક કરવાની સાઈન હશે, ત્યાર પછી ચેટ સિક્યોર ફોલ્ડરમાં જતી રહેશે. 
• જ્યારે પણ તમારે ચેટ ઓપન કરવી હોય ત્યારે તે ફોલ્ડર પર ક્લિક કરવું અને ફિંગરપ્રિન્ટથી ચેટ અનલોક કરવી.
• આઈફોન યૂઝર્સ ફેસ આઈડીથી પણ ચેટ અનલોક કરી શકે છે. 
• જો તમારા ફોનમાં હજુ સુધી આ ફીચર આવ્યું નથી, વ્હોટ્સએપ અપડેટ કરો અથવા થોડા સમય માટે રાહ જોવી.