તમારા કામનું / તમારુ આધાર કાર્ડ છે નકલી? આજે જ કરી લેજો ચેક નહીંતર થઈ જશે મોટું નુકશાન

• તમારું આધારકાર્ડ ફેક છે કે નહીં તે જાણવું સરળ
• UIDAIની સર્વિસનો લાભ લઈ ઘર બેઠા મેળવો આધારની માહિતી
• QR કોડ સ્કેન કરીને પણ મળી શકે છે આ વિશે માહિતી

ભારતમાં આધારકાર્ડનું ઘણું મહત્વ છે. આધારકાર્ડ એ ભારતીય નાગરિકની ઓળખનું પત્ર છે. તેને હવે PAN Card સાથે પણ લિંક કરવું ફરજિયાત કરી દેવાયું છે. ત્યારે ઘણીવાર એવી માહિતી મળે છે કે આધારકાર્ડ ફેક છે. UIDAI દ્વારા ભારતીય નાગરિકોને આ કાર્ડ આપવામાં આવે છે. આ સાથે જ UIDAI એવી સર્વિસ પણ આપે છે જે તમને આધારકાર્ડ વેરિફાઈ કરાવવામાં મદદ કરે છે.

ઘરે બેઠાં જાણો કે તમારું આધારકાર્ડ ફેક છે કે નહીં..

1. સૌથી પહેલાં તમે https://myaadhaar.uidai.gov.in/verifyAadhaar વેબસાઈટ પર જાઓ.
2. ત્યારબાદ આધારકાર્ડ નંબર અને કેપ્ચા એન્ટર કરો અને proceed and verify Adhaar પર ક્લિક કરો.
3. આ સામાન્ય સ્ટેપ બાદ તમારી સામે તમામ ડિટેલ્સ આવી જશે. તમને ખબર પડી જશે કે તમે જે આધારની માહિતી તેમા મૂકી છે તે સાચી છે કે ફેક.

આ સિવાય પણ એક પદ્ધતિથી તમે ચેક કરી શકશો
આધારકાર્ડ પર એક QR કોડ લગાવવામાં આવે છે જેમાં આધાર નંબર ધારકનું નામ, લિંગ, જન્મતારીખ, અને સરનામા સહિતની તમામ માહિતી મળી આવે છે. તમે તેને કોઈપણ QR કોડ એપની મદદથી સ્કેન કરી શકો છો. ગૂગલ પ્લે સ્ટોર અને એપ સ્ટોરની મદદથી તમે આવી એપ્લિકેશન ડાઉનલોડ કરીને ચેક કરી શકશો.

જો આધારકાર્ડ ફેક નિકળે તો શું કરશો?
જો આધારકાર્ડ ફેક નિકળે છે તો તમારે તાત્કાલિક ધોરણે ફરિયાદ નોંધાવી પડશે. તમે આધાર સેન્ટરમાં જઈને પણ ફરિયાદ નોંધાવી શકો છો. સાથે જ 1947 નંબર પર કોલ કરીને ફરિયાદ લખાવી શકો છો. આ એક ટ્રોલ ફ્રી નંબર છે.