મહામંથન / 12 જૂન 1928નો એ દિવસ ગુજરાત કેવી રીતે ભૂલી શકે.! કઠિન સંજોગોમાં દેશને મળ્યા હતા સરદાર

આજનો દિવસ ગુજરાતના ઈતિહાસમાં અંકિત થયેલ મહત્વનો દિવસ છે. 12 જૂન 1928 ને ગુજરાતમાં લોકો બારડોલી દિવસ તરીકે ઓળખે છે.  આ એ દિવસ છે જયારે દેશને સરદાર મળ્યા હતા. આ સરદાર એટલે બીજુ કોઈ નહીં પણ વિશ્વમાનવ કહી શકાય એવા વલ્લભભાઈ પટેલ. બારડોલી સત્યાગ્રહની સફળતાએ જ વલ્લભભાઈને સરદાર બનાવ્યા એ સૌ કોઈ જાણે છે. બારડોલી સત્યાગ્રહનો આખો ઘટનાક્રમ શું હતો. તેના મૂળિયા કયાં સુધી જાય છે.  વલ્લભભાઈએ કેવા સંજોગોમાં આ સત્યાગ્રહની આગેવાની લીધી.  શું છે એ કહાણી કે જેનાથી દેશને સરદાર મળ્યા.

• 12 જૂનનો દિવસ ગુજરાતના ઈતિહાસની મહત્વની તવારીખ
• 12 જૂનના દિવસે જ બારડોલી સત્યાગ્રહની લડતનો પ્રારંભ થયો
• મહેસૂલ વધારાના વિરોધમાં આ સત્યાગ્રહ હતો
• બારડોલી સત્યાગ્રહ થકી જ વલ્લભભાઈ પટેલ સરદારનું બિરુદ પામ્યા

12 જૂનના દિવસે જ બારડોલી સત્યાગ્રહની લડતનો પ્રારંભ થયો
12 જૂનનો દિવસ ગુજરાતના ઈતિહાસની મહત્વની તારીખ છે. 12 જૂનના દિવસે જ બારડોલી સત્યાગ્રહની લડતનો પ્રારંભ થયો હતો.  મહેસૂલ વધારાના વિરોધમાં આ સત્યાગ્રહ હતો. બારડોલી સત્યાગ્રહ થકી જ વલ્લભભાઈ પટેલ સરદારનું બિરુદ પામ્યા હતા. સત્યાગ્રહની અહિંસક લડતની સફળ પ્રયોગશાળા બારડોલી રહ્યું એવું કહી શકાય.  આ આંદોલનની સફળતાએ અંગ્રેજ સરકારને સ્તબ્ધ કરી દીધી હતી.  વલ્લભભાઈને જ બારડોલી સત્યાગ્રહની સંપૂર્ણ કમાન સોંપવામાં આવી હતી. બારડોલી સત્યાગ્રહને ઐતિહાસિક સફળતા મળી છે. મકોટી ગામના ભીખીબેન નામની મહિલાએ વલ્લભભાઈને સરદાર કહીને બોલાવ્યા હતા.  ત્યારે ભીખીબેને કહ્યું આજથી તમે અમારા સરદાર, આ જ સમયથી વલ્લભભાઈ સરદાર તરીકે પ્રસિદ્ધિ પામ્યા હતા.