વેક્સિનેશન / સ્વાસ્થ્ય મંત્રાલયે કહ્યું- હર્ડ ઇમ્યુનિટી વિકસિત કરવા વધુમાં વધુ લોકો વેક્સિન લગાવે, નહીં તો...

• કોરોના વાયરસથી બચવા હર્ડ ઇમ્યૂનિટી પર જોર આપવું જરૂરી
• વેક્સિન બરબાદ ન થવી જોઇએઃ સ્વાસ્થ્ય મંત્રાલય
• હર્ડ ઇમ્યૂનિટી વિકસિત કરવા વધુમાં વધુ લોકો વેક્સિન લગાવેઃ સ્વાસ્થ્ય મંત્રાલય

કેન્દ્રીય સ્વાસ્થ્ય મંત્રાલયે કહ્યું કે, વેક્સિન બરબાદ ન થવી જોઇએ. હર્ડ ઇમ્યૂનિટી વિકસિત કરવા માટે વધુમાં વધુ લોકોને વેક્સિન લગાવવી જરૂરી છે. દેશના કેટલાક ભાગ હર્ડ ઇમ્યૂનિટી નજીક પહોંચી ચૂક્યા છે

હાલની ગતિ જોતા વેક્સિનેશન પૂર્ણ થતા 10 વર્ષ લાગી શકે છે

જો રસીકરણની હાલની ગતિ જોતા 62 દિવસમાં 4 કરોડ તો 17 દિવસમાં 1.87 કરોડ લોકોને રસી લાગી છે. તેવામાં દેશની કુલ વસ્તીના 65થી 70 ટકા પણ માનીને ચાલીએ તો આને પૂર્ણ કરવામાં ઓછામાં ઓછા 10 વર્ષનો સમય લાગી જશે. એટલા માટે સ્વાસ્થ્ય મંત્રાલયે પ્રભાવિત જિલ્લાઓમાં વધુ વેક્સિન મોકલવાનો નિર્ણય કર્યો છે.

રસીકરણ પર PMOની દેખરેખ જરૂરી

રસીકરણના આંકડાઓનો હવાલો આપતા જોધપુર સ્થિત ઇન્ડિયન ઇન્સ્ટિટ્યૂટ ઑફ ટેક્નોલૉજીના પૂર્વ પ્રોફેસર પ્રો.રજો એમ જૉને જણાવ્યું કે, દેશમાં પહેલા 30 કરોડ વેક્સિન લગાવાઇ છે. જોકે હજુ સુધી 63 દિવસમાં 4 કરોડ લોકોને વેક્સિન અપાઇ ચૂકી છે. પ્રો.જૉનનું કહેવું છે કે રસીકરણ પર પીએમઓની દેખરેખ જરૂરી છે. જેથી તેના પર વધુ ધ્યાન આપી શકાય.

દિલ્હી, મુંબઈ, અમદાવાદ હર્ડ ઇમ્યૂનિટીની સૌથી નજીક

માહિતી અનુસાર, દેશમાં કેટલાક મહાનગરોમાં કરાવવામાં આવેલા સર્વેમાં એ જાણ થઇ છે કે દિલ્હી, મુંબઇ, અમદાવાદ, પુણે, હૈદરાબાદમાં 40થી 50 ટકા લોકોને કોરોનાની ઝપેટમાં આવી ચૂક્યા છે. ત્યારે રાષ્ટ્રીય સ્તરની વાત કરીએ તો કુલ વસ્તીનો અંદાજિત 7થી 8 ટકા ભાગ કોરોના સંક્રમિત થવાની શક્યતાઓ દર્શાવાઇ ચૂકી છે. મંત્રાલયના અધિકારીઓનું માનીએ તો દેશની રાજધાની દિલ્હી હર્ડ ઇમ્યૂનિટીની સૌથી વધુ નજીક છે કારણ કે અહીંના સીરો સર્વ 56થી 60 ટકા વસ્તીમાં એન્ટીબૉડી વિકસિત થવાની પુષ્ટિ કરી ચૂક્યા છે.