બેદરકારી / આરોગ્ય સાથે તંત્રની ગંદી રમત: RC બુક-ડ્રાઈવર વગર ધૂળ ખાય છે ઍમ્બ્યુલન્સ, આંકડો જાણી ચોંકી જશો

• ખેડા આરોગ્ય વિભાગની બેદરકારી
• એમ્બ્યુલન્સ ખાઈ રહી છે ધૂળ
• 14 એમ્બ્યુલન્સ ધૂળ ખાઈ રહી છે

ખેડા જિલ્લા આરોગ્ય વિભાગની ઘોર બેદરકારી સામે આવી છે. જેમાં 14 નવી એમ્બ્યુલન્સ 4 મહિનાથી ધૂળ ખાઈ રહી હોવાનું ભોપાળુ છતું થતા અનેક સવાલો ઉભા થયા છે. મહેમદાવાદ અને હલદરવાસ CHCના ઠાસરા, ડાકોર, સેવાલીયા CHC અને પીપલવાળા PHCમાં એમ્બ્યુલન્સ બંધ હાલતમાં સડી રહી છે. MGVCL દ્વારા ડાકોર CHCને આપેલ ICU ઓન વ્હિલ પણ બિન ઉપયોગી બની રહી છે. 2 કરોડથી વધુની કિંમતમાં ખરીદવામાં આવેલ એમ્બ્યુલન્સ માત્ર ડ્રાઈવરનો વિમો અને RTO પાર્સિંગ વિના  બિન ઉપયોગી બની હોવાથી અનેક સવાલો ઉભા થયા છે.

એમ્બ્યુલન્સ કોના પાપે ધૂળ ખાય છે?

ખેડા જિલ્લા આરોગ્ય વિભાગ સાથે RDD ની ઘોર બેદરકારી ઘોર બેદરકારીના પાપે વાહનો છતાં દર્દીઓ કલાકો સુધી આરોગ્ય કેન્દ્ર આગળ બેસી રહેવા મજબૂર બન્યા છે. બીજી બાજુ સ્થાનિક તંત્ર પણ 3 મહિનાથી આ મામલે અનદેખી કરી રહ્યું છે. એમ્બ્યુલન્સનો ઉપયોગ ન થતાં લોકોમાં રોષ જોવા મળી રહ્યો છે.આ ઉપરાંત MGVCL ડાકોર CHCને આપેલી એમ્બ્યુલન્સ પરત લેવાના ફિરાકમાં હોવાનું પણ સામે આવ્યું છે.

ધારાસભ્યોએ એમ્બ્યુલનસ સેવા માટે આપી

થોડા સમય અગાઉ પૂર્વ કેબિનેટ મંત્રી અર્જુનસિંહ ચૌહાણે 2 એમ્બ્યુલન્સ ફાળવી હતી જ્યારે ધારાસભ્ય પંકજ દેસાઈની ગ્રાન્ટમાંથી મળેલી એમ્બ્યુલન્સના પણ કોઈ ઠેકાણા નથી. તો માતરના પૂર્વ ધારાસભ્ય કેસરીસિંહ સોલંકીએ 3 અને ઠાસરાના પૂર્વ કોંગ્રેસ MLA કાંતિ પરમારે 4 એમ્બ્યુલન્સ આપી હતી. આમ કરોડોના ખર્ચે 6 ધારાસભ્યોએ એમ્બ્યુલનસ સેવા માટે આપી હતી.

સળગતા સવાલો 

• 2 મહિનાનો વિમો લઈ ખેડા જિલ્લા આરોગ્ય વિભાગે શું ખેલ પાડ્યો?
• ઓન રોડ વાહન વેચનારી વાહન કંપનીએ ખેલ કર્યો કે અન્ય કોઈ દાવ કરી ગયું?
• હજુ સુધી એમ્બ્યુલન્સનો ઉપયોગ કેમ નથી થતો?
• ખેડા જિલ્લામાં ખરીદીમાં નિયમોનો છેદ ઉડ્યો?
• ગ્રામીણ દર્દીઓ માટે આશીર્વાદ સમાન એમ્બ્યુલન્સ કોણે અટકાવી?
• લોકોના આરોગ્ય સાથે ચેડા કેમ?
• એમ્બ્યુલન્સ કોના પાપે ધૂળ ખાય છે?
• લોકોને એમ્બ્યુલન્સનો લાભ મળશે?
• ઉપયોગ વિનાની એમ્બ્યુલન્સ શું કામની?
• લોકોને ક્યારે મળશે એમ્બ્યુલન્સ?
• કોરોનાની ગંભીરતા તંત્ર ક્યારે સમજશે?
• એમ્બ્યુલન્સની RC બુક ક્યારે મળશે?