રાહત / દિવાળીમાં કર્મચારીઓ- પેન્શનર્સના ખિસ્સા છલકાઈ જશે, રાજ્ય સરકારે આપી 4 ટકા મોંઘવારી ભથ્થાંની ભેટ

• હરિયાણા સરકારે રાજ્ય કર્મચારીઓને આપી દિવાળી ગિફ્ટ
• મોંઘવારી ભથ્થામાં આપ્યો 4 ટકાનો વધારો
• 34 ટકાથી વધારીને કર્યું 38 ટકા
• 1 જુલાઈ 2022થી લાગુ પડશે

કેન્દ્ર સરકાર દ્વારા કેન્દ્રીય કર્મચારીઓના મોંઘવારી ભથ્થામાં વધારો કરાયા બાદ હવે રાજ્યો સરકારો પણ પોતાની રીતે ડીએમાં વધારો આપી રહી છે. પહેલા યુપી સરકાર અને હવે હરિયાણા સરકારે તેના કર્મચારીઓને ડીએમાં વધારો આપવાનો નિર્ણય કર્યો છે.  હરિયાણા સરકારે રાજ્ય સરકારના કર્મચારીઓના મોંઘવારી ભથ્થામાં 4 ટકાનો વધારો કરી 34 ટકાથી 38 ટકા કરી દીધો છે. મોંઘવારી ભથ્થામાં વધારો કરવાનો આ નિર્ણય 1 જુલાઈ 2022થી લાગુ માનવામાં આવશે.

ઓક્ટોબર મહિનાના પગારની સાથે મળશે મોંઘવારી ભથ્થું 
હરિયાણા સરકારે કહ્યું છે કે રાજ્ય સરકારના કર્મચારીઓને ઓક્ટોબર મહિનાના પગારની સાથે મોંઘવારી ભથ્થું આપવામાં આવશે. તેમજ જુલાઈથી સપ્ટેમ્બર વચ્ચેના સમયગાળાનું એરિયર્સ નવેમ્બર મહિનામાં ચૂકવવામાં આવશે. 

Haryana government increases the dearness allowance for government employees from 34% to 38%, to be applicable from July 1, 2022. pic.twitter.com/J2nd2qMB0Q

— ANI (@ANI) October 18, 2022

પેન્શનર્સ માટે મોંઘવારી રાહત ભથ્થું પણ વધ્યું 
હરિયાણા સરકારે પેન્શનર્સ અને ફેમિલી પેન્શનર્સ માટે મોંઘવારી રાહત 4 ટકા વધારીને 34 ટકાથી 38 ટકા કરી દીધી છે. પેન્શનર્સ માટે મોંઘવારી રાહત વધારવાનો નિર્ણય પણ 1 જુલાઈ 2022થી લાગુ થશે. મોંઘવારી ભથ્થામાં વધારા સાથે ઓક્ટોબર મહિના માટે પેન્શનરોને પેન્શન આપવામાં આવશે. તેમજ જુલાઈથી સપ્ટેમ્બર વચ્ચેનું એરિયર્સ નવેમ્બર મહિનામાં ચૂકવવામાં આવશે. ઉલ્લેખનીય છે કે મોદી સરકારે પણ પોતાના કર્મચારીઓ અને પેન્શનર્સના મોંઘવારી ભથ્થાને 34 ટકાથી વધારીને 38 ટકા કરી દીધું છે. માનવામાં આવી રહ્યું છે કે મોંઘવારી ભથ્થુ વધારવાના નિર્ણયથી અર્થવ્યવસ્થાને ફાયદો થશે. તહેવારોની મોસમમાં રોકડ પ્રવાહમાં વધારો માંગને વધારવામાં મદદ કરશે.

The increase in the dearness allowance from 34% to 38% is for Haryana government pensioners & family pensioners, with effect from July 1, 2022.

— ANI (@ANI) October 18, 2022

યુપી સરકાર પણ મોંઘવારી ભથ્થું વધારી ચૂકી છે 
 ઉત્તર પ્રદેશ સરકારે પણ 1 જુલાઈથી મોંઘવારી ભથ્થા અને મોંઘવારી રાહતના દરમાં ચાર ટકાનો વધારો કરવાની જાહેરાત કરી છે, જેમાં રાજ્યના કર્મચારીઓ અને પેન્શનરોને દિવાળીની ભેટ આપવામાં આવી છે. મુખ્યમંત્રી યોગી આદિત્યનાથે સોમવારે રાત્રે ટ્વીટ કર્યું હતું જેમાં તેમણે કહ્યું હતું કે ઉત્તર પ્રદેશ સરકારે રાજ્યના કર્મચારીઓ અને પેન્શનર્સ / ફેમિલી પેન્શનરોના મોંઘવારી ભથ્થા અને મોંઘવારી રાહતના વર્તમાન દરને 1 જુલાઈ, 2022 થી 34 ટકાથી વધારીને 38 ટકા કર્યો છે.