ન્યાયિક / ગુજરાત HCનો મોટો ચુકાદો, છુટાછેડા બાદ પણ પત્ની કરી શકે દહેજનો કેસ પણ એક શરતે

• પત્ની છુટાછેડા બાદ પણ કરી શકે દહેજ ઉત્પીડનનો કેસ
• દહેજ લગ્નગાળા દરમિયાન થયું હોવું જોઈએ તો જ કેસ થઈ શકે
• ગુજરાત હાઈકોર્ટે હિંસા અને બહુપત્નીત્વનો કેસ ફગાવ્યો 

છુટાછેડા બાદ કોઈ પત્ની પતિ સામે દહેજ અને ક્રૂરતાનો કેસ દાખલ કરી શકે? અમદાવાદ સ્થિત ગુજરાત હાઈકોર્ટે આ મામલે એક નવો ચુકાદો જાહેર કર્યો છે. 
ગુજરાત હાઈકોર્ટેનો એક ચુકાદો છે કે છૂટાછેડા બાદ પણ પત્ની ભારતીય દંડ સંહિતા (IPC)ની કલમ 498A હેઠળ ક્રૂરતાની ફરિયાદ નોંધાવી શકે છે. જો કે આ માટે કેટલાક સંજોગો હોવા જોઇએ. પતિ કે સાસરિયાની ક્રૂરતા લગ્ન દરમિયાન બની હોય તો છૂટાછેડા બાદ પણ પત્ની કેસ કરી શકે છે.  કોર્ટનો આદેશ શુક્રવારે ઘરેલું હિંસા અને બહુપત્નીત્વનો આરોપ લગાવતી ફોજદારી ફરિયાદને ફગાવી દેતો આવ્યો હતો.

શું બોલ્યાં જસ્ટીસ 
છૂટાછેડા લીધેલી મહિલાએ તેના પૂર્વ પતિ, તેની નવી પત્ની અને પૂર્વ સાસરિયાઓ સામે ફરિયાદ નોંધાવી હતી. ડિવોર્સ બાદ મહિલાએ પોતાના પૂર્વ પતિ પર વ્યભિચારનો આરોપ પણ લગાવ્યો હતો. જસ્ટીસ જે સી દોશીએ તેમના આદેશમાં જણાવ્યું હતું કે, ફરિયાદીએ લગ્ન અકબંધ હતા ત્યારે પતિ દ્વારા કરવામાં આવેલી ક્રૂરતા અથવા ત્રાસની ફરિયાદ કરી ન હતી. કોર્ટે પોતાના ચુકાદામાં જણાવ્યું હતું કે, "એવું લાગે છે કે બદલાની ભાવના માટે એફઆઈઆર દાખલ કરવામાં આવી છે." પત્ની વતી દાખલ કરવામાં આવેલી એફઆઈઆરમાં લગ્ન અકબંધ હતા તે સમયગાળા માટે ક્રૂરતા અથવા પજવણીના આરોપોનો ખુલાસો કરવામાં આવ્યો નથી. એફઆઈઆરથી સ્પષ્ટ છે કે છૂટાછેડા લીધેલી પત્ની દ્વારા પૂર્વ પતિ અને તેના સંબંધીઓ વિરુદ્ધ દાખલ કરવામાં આવી છે. એફઆઇઆર જોઇને લાગે છે કે કોઇ ખાસ હેતુ સિદ્ધ કરવા માટે આ કેસ દાખલ કરાયો છે. કોર્ટે કહ્યું કે, "આવી સ્થિતિમાં, એફઆઈઆર વિના તપાસનો આદેશ આપવો અને ફોજદારી કેસને ચાલુ રાખવાની મંજૂરી આપવી એ કોર્ટની પ્રક્રિયાનો દુરુપયોગ હશે." તે અરજદારો માટે પણ પીડાદાયક રહેશે. સક્ષમ કોર્ટ દ્વારા છૂટાછેડાનું ફરમાન બહાર પાડવામાં આવ્યા બાદ આઇપીસીની કલમ 498એ હેઠળ ફરિયાદ દાખલ કરવાની મંજૂરી આપી શકાય નહીં.

છુટાછેડા બાદ પત્નીએ દાખલ કરી હતી ક્રૂરતાનો કેસ 
જસ્ટીસ જે સી દોશીએ તેમના ચુકાદામાં જણાવ્યું હતું કે, "એક વખત સક્ષમ અદાલતે છૂટાછેડાનો ચુકાદો પસાર કર્યા પછી, પતિ-પત્નીની વૈવાહિક સ્થિતિનો અંત આવે છે." આ કેસમાં કલમ 498એ હેઠળ ગુનાનો આક્ષેપ કરતી ફરિયાદ દાખલ કરવામાં આવી હતી. આ કેસમાં એવું જોવા મળ્યું હતું કે, ફરિયાદી અને આરોપી કે જેઓ અગાઉ પતિ-પત્ની હતા તેમની વચ્ચેના વૈવાહિક સંબંધો છૂટાછેડાથી સમાપ્ત થઈ ચૂક્યા છે.