તમારા કામનું / પહેલી મેથી બદલાઈ રહ્યો છે GSTનો નિયમ, ભૂલ કરી તો થશે મોટું નુકસાન!, જાણો વિગતવાર

• 7 દિવસથી વધારેના ટ્રાન્ઝેક્શનની રસીદ GSTN પર અપલોડ નહીં થઈ શકે 
• વ્યાપારી ડેબિટ અને ક્રેડિટ નોટ્સને 7 દિવસ બાદ જ અપલોડ કરી શરશે
• તેના પર વ્યાપારી ઈનપુટ ટેક્સ ક્રેડિટ કે ફાયદો નહીં ઉઠાવી શકે. 

ગુડ્સ એન્ડ સર્વિસ ટેક્સ (GST)ને લઈને મોટી અપડેટ સામે આવી છે. GST નેટવર્ક ટ્રાન્ઝેક્શનને લઈને નિયમોમાં ફેરફાર કરવામાં આવ્યા છે. નવા નિયમ 1 મે, 2023થી લાગુ થવાના છે અને વ્યાપારીઓ માટે તેનું પાલન કરવું જરૂરી રહેશે. 

GSTNએ કહ્યું છે કે 1 મેથી કોઈ પણ ટ્રાન્ઝેક્શનની રસીદ ઈનવોઈસ રજીસ્ટ્રેશન પોર્ટલ પર 7 દિવસની અંદર અપલોડ કરવી જરૂરી રહેશે. GST કમ્પ્લેન્ટ્સનું સમય પર પાલન કરવા માટે નિયમોમાં ફેરફાર કરવામાં આવ્યો છે. 

7 દિવસથી જુના ઈનવોઈસ અપલોડ નહીં કરી શકાય 
GSTN અનુસાર, 100 કરોડથી વધારે ટર્નઓવર વાળા બધા વ્યાપારીઓ માટે 1 મેથી નવા નિયમનું પાલન કરવું જરૂરી રહેશે. નવા નિયમ હેઠળ 100 કરોડથી વધારે ટર્નઓવર વાળા વ્યાપારી 7 દિવસથી વધારે જુના ઈનવોઈસને અપલોડ નહીં કરી શકે. 

એટલે કે 7 દિવસથી જુના ટ્રાન્ઝેક્શનની રસીદ GSTN પર અપલોડ નહીં કરી શકાય અને તેના પર રિટર્ન પણ ક્લેમ નહીં કરી શકાય. જોકે આ નિયમ ફક્ત ઈનવોઈસને લઈને છે. વ્યાપારી ડેબિટ અને ક્રેડિટ નોટ્સને 7 દિવસ બાદ જ અપલોડ કરી શકશે. 

 

વ્યાપારીઓને મોટુ નુકસાન 
GST નિયમ કહે છે કે જો કોઈ ઈનવોઈસ IRP પર અપલોડ નથી થતું તો તેના પર વ્યાપાર ઈનપુટ ટેક્સ ક્રેડિટનો ફાયદો નહીં ઉઠાવી શકે. ITC કોઈ ઉત્પાદનના કાચ્ચા માલ અને ફાઈનલ પ્રોડક્ટની વચ્ચેના અંતરને પરત મેળવવા માટે ક્લેમ કરવામાં આવે છે. 

હાલના સમયમાં કંપનીઓ ક્યારેય પણ પોતાનું ઈનવોઈસ અપલોડ કરી શકે છે. જોકે નવા નિયમ લાગુ થયા બાદ તેમની પાસે ફક્ત 7 દિવસનો સમય રહેશે. 

શું ફાયદો થશે? 
એક્સપર્ટ્સનું કહેવું છે કે નવા નિયમ GST કલેક્શન વધારવામાં મદદ કરશે. સાથે જ કંપનીઓને સમય પર આઈટીસીનો લાભ પણ મળી જશે. તેનો હેતુ ડિજિટલાઈઝેશનની પ્રક્રિયાને વધારે મજબૂત બનાવવાનો છે. 

સરકારે હાલમાં જ 100 કરોડથી વધારે ટર્નઓવર વાળા વ્યાપાર કે કંપનીઓ માટે પણ દરેક ટ્રાન્ઝેક્શનનું જીએસટી ઈનવોઈસ કાઢવું જરૂરી કરી દીધુ છે.