શ્રમ સુધાર / નોકરીમાં 8 કલાકથી વધુ કામ કરનારા માટે ખુશખબર, મોદી સરકાર કરી શકે છે આ મોટો નિર્ણય

• 8 કલાકથી વધુ કામ કરનારા માટે મહત્વના સમાચાર 
• સરકાર નવા શ્રમ કાયદામાં કરી શકે છે ઓવરટાઈમને સામેલ 
• 8 કલાકથી વધુ કામ માટે મળી શકે છે ઓવરટાઈમના પૈસા

સરકારે 8 કલાકથી વધારે કામ કરવા પર હવે કર્મચારીઓને ઓવરટાઇમ આપવાની તૈયારીમાં છે. સરકારે નવા નિયમ હેઠળ નવો પ્લાન તૈયાર કરવાની છે.  મિડીયા રિપોર્ટ અનુસાર સરકારી કામકાજના કલાક સિમીત કરવા પર વિચાર કરી રહી છે. 

કામના કલાકને લઇને ચર્ચા 

જો કર્મચારીઓ વધારે કલાકોનું કામ કરી રહ્યા છે તો તેમને ઓવરટાઈમ ગણીને તે રીતે પૈસા આપવામાં આવશે. મહત્વનું છે કે 2019માં સરકાર દ્વારા New Wage Code લાગુ કરાયું હતું જેમાં Working hours માટે 8 થી 12 કલાકની અવધિ રાખવાની વાત ફેલાઈ હતી ત્યારથી જ આ ભ્રમની સ્થિતિ છે જેને સ્પષ્ટ કરવા માટે સરકાર આ પગલું ભરી રહી હોવાની શક્યતા છે. 

મહત્વનું છે કે 2019માં સરકારે નવો વેતન કોડ પાસ કર્યો હતો. જેમાં કામ કાજના કલાકોને લઇને કહેવામાં આવ્યું હતું કે આ 8 કલાક કે 12 કલાક હશે. ત્યારથી લઇને લોકોમાં ભ્રમની સ્થિતિ છે. સૂત્રો દ્વારા આપવામાં આવેલી માહિતી પ્રમાણે આ ખોટી ખબર હતી કે નવો શ્રમ કાયદો 12 કલાક કર્મચારી પાસે કામ કરાવવાની પરમિશન આપશે.  આ ખોટી માન્યતાને લઇને સરકાર આ પગલુ લેવા જઇ રહી છે. 

15થી 30 મિનીટ એક્ટ્રા કામને માનવામાં આવશે ઓવરટાઇમ 

ફેક્ટ્રીઝ એક્ટ હેઠળ આવતી કંપનીઓ પોતાના ત્યાં કામ કરનારા કર્મચારીઓને 9 કલાકથી વધારે કામ કરાવે છે પરંતુ ઓવરટાઇમ આપતી નથી. કારણકે હાલની સ્થિતિમાં જો કોઇ મજૂર પોતાના કામના કલાકો બાદ 30 મિનીટથી વધુ કામ કરે છે તો તેને ઓવરટાઇમ માનવામાં આવતો નથી. જો કે નવા શ્રમ કાયદાઓ અનુસાર 15 મિનિટથી 30 મિનિટનું સમય પણ ઓવરટાઈમ માનવામાં આવશે.