રેડ એલર્ટ / દ્વારકામાં ઘી ડેમ ઑવરફ્લો, ભાવનગરમાં બેટમાં ફેરવાયા કેટલાય વિસ્તારો, કમર સુધી ભરાયા પાણી

• દ્વારકાનો ખંભાળિયાનો ઘી ડેમ ઓવરફ્લો થયો 
• ભાવનગરમાં વરસાદે સર્જી તારાજી 
• આજે ભાવનગરમાં અપાયુ છે રેડ એલર્ટ

દ્વારકાનો ખંભાળિયાનો ઘી ડેમ ઓવરફ્લો થયો 
દ્વારકાનો ખંભાળિયાનો ઘી ડેમ ઓવરફ્લો થયો છે. ખંભાળિયા પંથકમાં ભારે વરસાદને પગલે ડેમ ઓવરફ્લો થયો છે. ત્યારે સિંચાઈ તેમજ પીવાનાં પાણીનો મહત્વનો સ્ત્રોત ગણાતો ડેમ છલકાયો છે. 

ધોધમાર વરસાદથી ખેતરોમાં પાણી ફરી વળ્યા 
દ્વારકાનાં ગ્રામ્ય વિસ્તારોમાં ધોધમાર વરસાદ પડ્યો હતો. લાંબા, હર્ષદ, ભોગાત પંથકમાં ધોધમાર વરસાદ પડ્યો હતો. લાંબા- હર્ષદ હાઈવે પર પાણી વહેતા થયા હતા. ધોધમાર વરસાદથી ખેતરોમાં પાણી ફરી વળ્યા છે.

લાંબા ગામની બજારોમાં કેડ સમાણા પાણી વહેતા થયા
કલ્યાણપુર તાલુકાનાં લાંબા ગામે ધોધમાર વરસાદ પડ્યો હતો. ગામની બજારોમાં ધસમસતા પાણીનાં પુર વહેતા થયા હતા. લાંબા ગામની બજારોમાં કેડ સમા પાણી વહેતા થયા હતા. સોસાયટીનાં મકાનોમાં પાણી ઘૂસ્યા હતા. ધોધમાર વરસાદનાં કારણે લાંબા ગામની બજારોમાં પાણીનાં ભરાઈ ગયા હતા. લાંબા ગામની બજારોમાંથી નીકળવાનું બંધ થયું હતું. ધોધમાર વરસાદનાં કારણે લાંબા ગામ પાણી પાણી થઈ ગયું હતું. 

પાણી ભરાયેલા વિસ્તારોની મેયર કીર્તિબેને લીધી મુલાકાત
ભાવનગરમાં વરસાદે તારાજી સર્જી છે. શહેરનાં અનેક વિસ્તારોમાં ઘૂંટણસમા પાણી ભરાયા હતા. પ્રભાવિત વિસ્તારોનું મેયર કીર્તિબેન દાણીધારીયાએ નિરીક્ષણ કર્યું હતું. શહેરનાં રેલ્વે સ્ટેશન વિસ્તારનું નિરીક્ષણ કર્યું હતું. 

કાળુભારના પાણી ફરી વળતા અનેક ગામડા સંપર્ક વિહોણા
ભાવનગર ભાલમાં કાળુભારનાં પાણી ફરી વળ્યા હતા. દેવળીયા, પાળીયાદ સહિતનાં વિસ્તારો બેટમાં ફેરવાયા હતા. કાળુભારનાં પાણી ફરી વળતા અનેક ગામડા સંપર્ક વિહોણા બન્યા હતા. તમામ રસ્તાઓ ઉપર પાણી ભરાઈ ગયા હતા.

વરસાદી પાણી ભરાતા ઘરનો સામાન પલળી ગયો
ભાવનગર જીલ્લામાં વરસાદ પડતા પાણી-પાણી થઈ જવા પામ્યું હતું. સીદસર નજીક આવેલી વાળંદ સોસાયટીમાં પાણી ભરાયા હતા.  લોકોનાં ઘરમાં પાણી ફરી વળ્યા ભારે નુકશાન થયું હતું. વરસાદી પાણી ભરાતા ઘરનો સામાન પલળી ગયો હતો. વાળંદ સોસાયટીનાં 40 થી વધુ મકાનોમાં પાણી ભરાયા હતા. 

જિલ્લાનું પાળીયાદ ગામ સંપર્ક વિહોણું 
ભાવનગર જીલ્લામાં ધોધમાર વરસાદ વરસ્યો હતો. ભારે વરસાદથી અનેક વિસ્તારમાં પાણી ભરાયા હતા. ત્યારે ભારે વરસાદને પગલે જીલ્લાનું પાળીયાદ ગામ સંપર્ક વિહોણું થયુ  હતું.  ગામમાં કાળુભાર નદીનાં પાણી ફરી વળ્યા હતા. 

આજે ભાવનગરમાં અપાયુ છે રેડ એલર્ટ
ભાવનગર શહેરમાં વહેલી સવારથી વરસાદ પડ્યો હતો. આજે ભાવનગરમાં રેડ એલર્ટ આપવામાં આવ્યું છે. ભાવનગર મઢીયા રોડ પર પાણી ભરાયાં હતા. શહેરનાં અનેક વિસ્તારોમાં પાણી ભરાયા હતા. નીચાણવાળા વિસ્તારોમાં પાણી ભરાયા હતા.