ધર્મ / શ્રીમદ ભગવત ગીતા ઘરમાં હોય તો ભૂલથી પણ ન કરતાં આ કામ, જીવનમાં મચશે મહાભારત, જાણી લો ગીતા રાખવાના નિયમ

• મોક્ષદા અગિયારસ 22 ડિસેમ્બરે છે
• ગીતાના પાઠ કરવાથી તમામ કાર્ય સફળ થાય છે
• ઘરે  શ્રીમદ ભગવત ગીતા હોય તો નિયમોનું પાલન કરવું જરૂરી 

મોક્ષદા અગિયારસ 22 ડિસેમ્બરે છે. શ્રીકૃષ્ણ અને અર્જુન વચ્ચે થયેલ સંવાદ ગીતામાં જણાવવામાં આવ્યો છે.  શ્રીમદ ભગવત ગીતા એકમાત્ર એવો ગ્રંથ છે, જેની ઉત્પત્તિ શ્રીકૃષ્ણના મુખેથી થઈ છે. આ કારણોસર દર વર્ષે ગીતા જયંતી ઊજવવામાં આવે છે. આ દિવસે ગીતાના પાઠ કરવાથી તમામ કાર્ય સફળ થાય છે. સુખ અને સંપન્નતા પ્રાપ્ત થાય છે. શાસ્ત્રો અનુસાર ઘરે  શ્રીમદ ભગવત ગીતા હોય તેમણે કેટલાક નિયમોનું પાલન કરવું જોઈએ, નહીંતર જીવનમાં અનેક પ્રકારની પરેશાની આવી શકે છે. 

ગીતા પઠન

• જે ઘરમાં નિયમિતરૂપે ગીતા પઠન કરવામાં આવે ત્યાં ખુશીઓનો વાસ થાય છે. શ્રીમદ્ ભગવદ્ ગીતામાં ધર્મ, કર્મ, નીતિ, સફળતા અને સુખનું રહસ્ય છુપાયેલું છે, જેનું પઠન કરવાથી તમામ સમસ્યાનું નિવારણ મળી રહે છે. 
• શ્રીમદ્ ભગવદ્ ગીતાનું પઠન કરવાથી પરિસ્થિતિ સામે લડવાની ક્ષમતાનો સંચાર થાય છે. ઘરમાં લક્ષ્મીનો વાસ થાય છે. 
• ગીતાનું પઠન કરવાથી માનસિક પરેશાની, ગૃહ કલેશથી મુક્તિ, વિરોધીઓનો સામનો કરવા માટેની શક્તિ પ્રાપ્ત થાય છે અને વાસ્તવિકતાનો પરિચય કરાવે છે.  
• ગીતાના પઠનની સાથે હવન કરવાથી વાસ્તુ દોષ દૂર થાય છે. 
• નિયમિતરૂપે શ્રીમદ્ ભગવદ્ ગીતાનું પઠન કરવાથી મૃત્યુ પછી પિશાચ યોનિથી મુક્તિ મળે છે. 

 શ્રીમદ ભગવત ગીતા રાખવાના નિયમ

•  શ્રીમદ ભગવત ગીતા એક પવિત્ર ગ્રંથ છે. આ ગ્રંથ રાખવા માટે અને તેના પાઠ કરતા સમયે કેટલીક બાબતોનું ખાસ ધ્યાન રાખવું જોઈએ.  શ્રીમદ ભગવત ગીતા સ્વચ્છ અને પવિત્ર સ્થળ પર જ રાખવી જોઈએ. 
• નહાયા વગર, ખરાબ હાથથી ગીતાને સ્પર્શવું ના જોઈએ. નહીંતર વ્યક્તિ પાપનો ભાગી બને છે. માનસિક અને આર્થિક તણાવ થાય છે. 
•  શ્રીમદ ભગવત ગીતા જમીન પર રાખીને ના વાંચવી જોઈએ. ગીતા રાખવા માટે પૂજા ચૌકી અથવા લાકડીના સ્ટેન્ડનો ઉપયોગ કરવો. ગીતા હંમેશા લાલ કપડામાં બાંધીને રાખવી. 
• ગીતાનું પઠન કરવા માટે પોતાના જ આસનનો ઉપયોગ કરવો. અન્ય વ્યક્તિના આસનનો ઉપયોગ ના કરવો. ગીતાના પાઠ શરૂ કરતા પહેલા ભગવાન ગણેશ અને શ્રીકૃષ્ણનું સ્મરણ કરવું. 
• દિવસમાં કોઈપણ સમયે ગીતાના પાઠ કરી શકો છો, પરંતુ કોઈ અધ્યાય શરૂ કરો તો તેને અધૂરો ના છોડવો જોઈએ, પૂર્ણ કર્યા પછી જ ઊભું થવું જોઈએ.