બ્લાસ્ટ / અમદાવાદ માથેથી મોટી હોનારત ટળી: દોશીવાડાની પોળ નજીકની દુકાનમાં 3 ગેસ સિલિન્ડર ફાટ્યા, 1 ઈજાગ્રસ્ત

Kavan

Last Updated: 10:59 PM, 10 October 2021

FOLLOW ON

શેર કરો

અમદાવાદના કાલુપુર વિસ્તારમાં આવેલી દોશીવાડાની પોળ નજીક જ્વેલરી બનાવવાનું કામ કરતા મકાનમાં મોડી સાંજે 3 ગેસ સિલિન્ડરમાં બ્લાસ્ટ થતાં ભીષણ આગ લાગી હતી.

અમદાવાદના કાલુપુરની દોષીવાળાની પોળમાં આગ
એક દુકાનમાં ગેસના 3 સિલિન્ડરમાં થયો બ્લાસ્ટ
ફાયર વિભાગની સમય સૂચકતાને લીધે મોટી હોનારત ટળી

અચાનક બ્લાસ્ટ થવાની ઘટના બનતા આસપાના રહીશો ઘરની બહાર દોડી આવ્યા હતા તો સમગ્ર વિસ્તારમાં દોડધામ પણ મચી જવા પામી હતી. જો કે, સમગ્ર ઘટના અંગેની જાણ થતાં જ કુલ 6 જેટલા ફાયર ફાઇટર તાત્કાલિક ઘટનાસ્થળે પહોંચી આગને કાબુમાં લીધી હતી.

ગેસ સિલિન્ડરમાં બ્લાસ્ટ થતાં મચી દોડધામ

ગેસ સિલિન્ડર બ્લાસ્ટ થવાની ઘટનાને પગલે આગમાં 1 શખ્સ દાઝી જતા તેને તાત્કાલિક અસરથી સારવાર માટે નજીકની હોસ્પિટલ ખાતે ખસેડવામાં આવ્યો હતો. ઉલ્લેખનીય છે કે, બ્લાસ્ટ સમયે કુલ 14 લોકો કામ કરી રહ્યા હતા, જેમાં બ્લાસ્ટ થતા જ બધા લોકો દોડ્યા હતા પરંતુ 13 લોકો સુરક્ષિત બહાર નીકળી ગયા હતા અને 45 વર્ષીય મન્સૂરી પારોહી નામના વ્યક્તિ આગને પગલે દાઝી ગયા હતા. તેમને સારવાર માટે શહેરની અસારવા સિવિલ હોસ્પિટલમાં યુદ્ધના ધોરણે ખસેડવામાં આવ્યા હતા.

મોટી જાનહાની ટળી

ગેસ સિલિન્ડરમાં બ્લાસ્ટ થયાના સમાચાર મળતા જ ફાયર બ્રિગેડના જવાનો ઘટના સ્થળે દોડી આવ્યા હતા અને ભારે જહેમત બાદ 21 જેટલા ગેસ સિલિન્ડર બહાર કાઢ્યા હતા. સમયસર પહોંચી જતાં આગ પર કાબૂ મેળવ્યો હતો, જો બધા જ સિલિન્ડરમાં બ્લાસ્ટ થયો હોત તો મોટી હોનારત સર્જાઈ હોત.

સંકળાયેલા મુદ્દાઓ

ahmedabad અમદાવાદ ગેસ સિલિન્ડર બ્લાસ્ટ ahmedabad