ષડયંત્ર / ગાંધીનગર પોલીસે 4 શખ્સોની હથિયારો સાથે ઝડપ્યા, પૂછપરછમાં મૌલાનાને લઇને થયો મોટો ખુલાસો

• ગાંધીનગર પાસેથી હત્યારો સાથે 4 શખ્સ ઝડપાયા 
• બે ઉત્તરપ્રદેશના અને બે અમદાવાદ જીલ્લાના 
• એક મૌલવી રેકી  કરી ગયો છે, ત્રણ લાખ પણ ઉઘરાવ્યા  

ગાંધીનગરના ચીલોડા પોલીસે 4 શખ્સોની હથિયાર સાથે કરી ધરપકડ કરતા કેટલાક ચોંકાવનારા ખુલાસા થતા ફરી એક વાર પોલીસ વધુ સતર્ક થઇ છે. ગાંધીનગરના ચિલોડા નજીકથી પોલીસે 15 કારતુસ અને 3 હથિયાર સાથે 4 શખ્સોની કરી ધરપકડ કરતા સ્ફોટક વિગતો સાંપડી છે. આ શખ્સોએ અમદાવાદના શાહીબાગમાં લૂંટનો  પ્લાન બનાવ્યો હતો. ઉપરાંત જે વિગતો મળી તેનાથી પોલીસની આંખ પણ પહોળી થઇ ગઈ છે. 

એક મૌલાના રેકી કરી ગયો, સાણંદમાંથી 3 લાખ ઉઘરાવ્યા 

ગાંધીનગરના ચિલોડા નજીકથી ઝડપાયેલા ચાર હથિયાર ધારી શખ્સોના લૂંટનાં પ્લાન પછીની વિગતો જાણતા પોલીસ પણ ચોંકી ઉઠી છે. પોલીસને જાણવા મળ્યું કે, કેટલાક સમય પહેલા ઉત્તરપ્રદેશના  બુંદલનો શહેરનો એક મૌલાના પણ ગુજરાતમાં આવ્યો હતો અને ગુજરાતના કેટલાક સ્થળોની રેકી કરી હતી. આ મૌલાનાએ મદરેસાના નામે પૈસા ઉઘરાવી હથિયાર ખરીદ્યા હતા. તો સાણંદ વિસ્તારમાંથી 3 લાખની ઉઘરાણી કરવામાં મૌલાના સફળ રહ્યો હતો. પોલીસે આ ચારેય શખ્સોની હથિયાર રાખવાના ગુનામાં ધરપકડ કરી હતી.

બે યુપીના,એક અમદાવાદ અને એક સાણંદનો 

ગાંધીનગરના ચિલોડા નજીકથી ઝડપાયેલા ચાર શખ્સોમાં  આસીફ  અખતર અબ્દુલ મજીદ ફકીર(અલબી), રહે.376, હાજાપુર ભટૌલ, મુડાખેટા, .બુલંદશહેર, (ઉત્તરપ્રદેશ) બીજો  નવાબ મોહમદ સઈદ અબ્દુલ કરીમ ધોબી, રહે.ખવેસત્તાન, ખુર્જાનગર, જી.બુલંદશહેર ( ઉત્તરપ્રદેશ) ત્રીજો શખ્સ બાબુ કાસમભાઇ શેખ રહે. અબ્દુલ પાર્ક મસ્તાન મસ્જીદ ફતેવાડી અમદાવાદ, અને ચોથો  શખ્સ મકસુદ ઉર્ફે ચીની બસીદખાન ભેજ રહે. બુરગામ તબેલાચોક તા.સાણંદ જી. અમદાવાદનો સમાવેશ થાય છે.