G20 Summit 2023 / G 20 સમિટની શરૂઆત: દેશના નામમાં ઈન્ડિયાની જગ્યાએ ભારત લખાયું, PM મોદીએ સંબોધનમાં જુઓ શું કહ્યું

• G20 સમિટની શરૂઆત કરતાં પીએમ મોદીએ કહી આ વાત 
• જૂના પડકારો આપણી પાસેથી નવા ઉકેલની માંગ કરી રહ્યા છે
• PM મોદીના ટેબલ પર દેશના નામમાં 'ભારત' લખવામાં આવ્યું

G20 Summit 2023 Day1: G20 સમિટ માટે વિશ્વભર લગભગ તમામ મોટા નેતાઓ નવી દિલ્હી પહોંચી ગયા છે. G20 સમિટની અધ્યક્ષતા ભારત કરી રહ્યું છે. આજે એટલે કે શનિવારે સમિટના પ્રથમ દિવસે, વિશ્વની 20 મોટી અર્થવ્યવસ્થાઓના વરિષ્ઠ નેતાઓ સાથે બેસીને વૈશ્વિક મુદ્દાઓ પર વિચાર મંથન કરશે.   

• દિલ્હીમાં G20 સમિટની શરૂઆત થઈ ગઈ છે પણ અંહિયા એક વાત નોંધ લેવા જેવી એ છે કે PM મોદીના ટેબલ પર દેશના નામમાં 'ઈન્ડિયા' ની જગ્યાએ 'ભારત' લખવામાં આવ્યું છે. 

G20 સમિટની શરૂઆત કરતાં પીએમ મોદીએ કહી આ વાત 
G20 સમિટની શરૂઆતના ભાષણમાં પીએમ મોદીએ સૌથી પહેલા મોરોક્કોમાં આવેલા ભૂકંપ પર શોક વ્યક્ત કર્યો હતો અને તેની સાથે જ મદદની ખાતરી આપી હતી.  PM એ G-20 ના અધ્યક્ષ તરીકે તમામ દેશોનું સ્વાગત કર્યું અને પછી ભાષણની શરૂઆત કરતાં કહ્યું કે,

જૂના પડકારો આપણી પાસેથી નવા ઉકેલની માંગ કરી રહ્યા છે
'આજે આપણે જ્યાં ભેગા થયા છીએ ત્યાંથી થોડા કિલોમીટર દૂર એક અઢી હજાર વર્ષ જૂનો સ્તંભ છે.  તેના પર પ્રાકૃતિક ભાષામાં એક વાત લખી છે. અઢી હજાર વર્ષ પહેલા ભારતની ભૂમિએ સમગ્ર વિશ્વને આ સંદેશ આપ્યો હતો કે માનવતાનું કલ્યાણ અને સુખ હંમેશા સુનિશ્ચિત કરવું જોઈએ. આ સંદેશને યાદ કરીને G20 ની શરૂઆત કરો. 21મી સદીનો આ સમય સમગ્ર વિશ્વને એક નવી દિશા આપવા જઈ રહ્યો છે. આ તે સમય છે જ્યારે વર્ષો જૂના પડકારો આપણી પાસેથી નવા ઉકેલની માંગ કરી રહ્યા છે. તેથી આપણે આપણી તમામ જવાબદારીઓ નિભાવીને આગળ વધવું પડશે.

VIDEO | PM Modi and External Affairs Minister S Jaishankar welcome Azali Assoumani, Chairperson of the African Union, to officially join the bloc at G20 Summit in Delhi.

The G20 gathering is expected to be renamed as G21 following the induction of the African Union.… pic.twitter.com/igm4sx2mj3

— Press Trust of India (@PTI_News) September 9, 2023

બધાને સાથે મળીને આગળ વધવાનો સમય છે 
કોરોના પછી સૌથી મોટું સંકટ વિશ્વાસના અભાવનું ઉભું થયું છે. યુદ્ધે આ સંકટને વધુ ઊંડું બનાવ્યું છે. જ્યારે આપણે કોરોનાને હરાવી શકીએ છીએ, ત્યારે પરસ્પર ચર્ચાથી વિશ્વાસના સંકટને પણ દૂર કરી શકીએ છીએ. આ સમય છે આપણે બધા સાથે મળીને આગળ વધવાનો.