સાયબર ક્રાઈમ / ડી-માર્ટ, બિગ બજારના નામે આકર્ષક ઓફરનો મેસેજ આવે તો ચેતજો, લિંક ક્લિક કરતાં જ પૈસાની થશે ઉઠાંતરી, એક્સપર્ટ વ્યૂ જાણી લો

Kishor

Last Updated: 07:45 PM, 6 April 2023

FOLLOW ON

શેર કરો

વડોદરામાં સહિત ગુજરાતભરમાં ડીમાર્ટ અને બિગ બજારના નામે છેતરપિંડી કરતી ગેંગ સક્રિય થઈ છે. ત્યારે છેતરપિંડીથી બચવા વીટીવી ન્યૂઝએ સાયબર એક્સપર્ટ મયુરભાઈ મુસાવરકરના સૂચનો લીધા છે.

વડોદરા : ડી માર્ટ, બિગ બજારના નામે ફેક મેસેજ મોકલી થઈ રહી છે છેતરપિંડી
ડી માર્ટની ખરીદી પર આકર્ષક ઓફરના નામે ડેટા ચોરી કરી છેતરપિંડી
છેતરપિંડીથી બચવા વીટીવી ન્યૂઝએ સાયબર એક્સપર્ટના લીધા સૂચન

ડિજિટલ યુગમાં ઓનલાઇન ખરીદી સહિતના વધતા જતા ક્રેઝને લઈને છેતરપિંડીના બનાવો પણ ચિંતાજનક રીતે વધી રહ્યા છે. ભેજાબાજ આરોપીઓ નીતનવા પેતરા રચી અને લોકોને છેતરી રહ્યા છે. આવી સ્થિતિ વચ્ચે ડીમાર્ટ અને બિગ બજારના નામે છેતરપિંડી કરતી ગેંગ સક્રિય થઈ છે. જે લોકોને whatsapp મારફતે મેસેજ મોકલી અને સસ્તી ખરીદીની લાલચ આપી છેતરપિંડી કરતા હોવાનું પ્રકરણ બહાર આવ્યું છે.ત્યારે નાગરિકોને છેતરપિંડીથી બચવા વીટીવી ન્યૂઝએ સાયબર એક્સપર્ટ મયુરભાઈ મુસાવરકરના સૂચનો લીધા છે.

આ રીતે આપે છે છેતરપીંડીને અંજામ
જેમાં જાણવા મળ્યું કે ભેજાબાજ આરોપીઓ ડીમાર્ટ અને બિગ બજાર સહિતની આબેહૂબ વેબસાઈટ બનાવી લોકોને ખરીદી માટે લાલચ આપે છે. જેને લઈને ડી માર્ટની ખરીદી બદલ રૂપિયા કંપનીના ખાતામાં જમા થવાને બદલે આવા આરોપીઓના ખાતામાં જમા થઈ રહ્યા છે. બાદમાં આરોપીઓ ડેટા ચોરી કરી લે છે અને લોકોના બેંક ખાતાથી નાણાં ઉપાડી લેવામાં આવે છે. મોબાઈલ હેક કરીને તમામ એક્ટીવીને રેકોર્ડ કરી લે છે. બાદમાં નાણાં પડાવે છે. ત્યારે સાયબર એક્સપર્ટ દ્વારા સૂચન કરી ચારથી પાંચ બાબતોનું ધ્યાન રાખવા સલાહ અપાઈ છે. જેમાં કાઇ પણ કાળે ઓટીપી સેન્ડ ન કરવા સહિતના સુચન કરાયા છે.