નિર્દયી / ક્રૂરતાની હદ વટાવી! બકરીને જબરદસ્તી દારૂ પીવડાવતા હતા ચાર યુવક, એકની ધરપકડ

Priyakant

Last Updated: 12:29 PM, 30 August 2022

FOLLOW ON

શેર કરો

તાજનગરી આગ્રાથી તાજેતરનો એક વિડીયો સામે આવ્યો કે, જેમાં યુવકોએ બકરીના બાળકને બળજબરીથી દારૂ પીવડાવી રહ્યા છે

પ્રાણીઓ પર ક્રૂરતાનો વિડીયો સોશિયલ મીડિયામાં વાયરલ
બકરીને જબરદસ્તી દારૂ પીવડાવતા હતા ચાર યુવક
પોલીસ એકની ઝડપી પાડ્યો, અન્યની શોધખોળ શરૂ

સોશિયલ મીડિયામાં અવાર-નવાર અનેક વિડીયો વાયરલ થતાં હોય છે. આ તરફ પ્રાણીઓ પર ક્રૂરતાનો એક વિડીયો હાલ સોશિયલ મીડિયામાં વાયરલ થઈ રહ્યો છે. મહત્વનું છે કે, પ્રાણીઓ પર ક્રૂરતાના કિસ્સાઓ દિવસેને દિવસે સામે આવતા રહે છે. તેની સામે કાયદામાં જોગવાઈ પણ કરવામાં આવી છે, તેમ છતાં ઘણા લોકો ક્રૂરતા કરતા અટકતા નથી. તાજનગરી આગ્રાથી તાજેતરનો એક વિડીયો સામે આવ્યો કે, જેમાં યુવકોએ બકરીના બાળકને બળજબરીથી દારૂ પીવડાવી રહ્યા છે.

આગ્રાના એતમાદપુરના ખંડૌલી માર્ગનો આ વિડીયો હાલ વાયરલ થઈ રહ્યો છે. જોકે આ મામલે પોલીસ પણ એક્શનમાં આવી છે. એતમાદપુર સર્કલ ઓફિસર રવિ કુમારે જણાવ્યું કે, 22 સેકન્ડના વીડિયોમાં ત્રણ યુવકો ખંડોલી રોડ પર બકરીના બાળકને બળજબરીથી દારૂ પીવડાવતા જોવા મળે છે, જ્યારે ચોથો છોકરો વીડિયો બનાવી રહ્યો હતો. ઘટના રવિવારની જણાવવામાં આવી રહી છે.

શું કહ્યું પોલીસે ?

સમગ્ર મામલે પોલીસ અધિકારીએ કહ્યું, "અમે બકરીના બચ્ચાના માલિકની ઓળખ કરી લીધી છે અને આ ઘટનામાં સંડોવાયેલા ચાર યુવકોની પણ ઓળખ કરી છે. એકની કસ્ટોડિયન દ્વારા પૂછપરછ કરવામાં આવી રહી છે, જ્યારે અન્ય ત્રણની શોધ ચાલી રહી છે. યુવકો સામે કાયદેસરની કાર્યવાહી કરવામાં આવશે.

સંકળાયેલા મુદ્દાઓ

આગ્રા એતમાદપુર પ્રાણીઓ પર ક્રૂરતા બકરીનો વાયરલ વીડિયો વાયરલ વીડિયો Agra Viral Video