કરુણ દુર્ઘટના / કપડા ધોવા ગયેલી 4 બાળકીના નદીમાં ડૂબવાને કારણે મોત, એકનો પગ લપસ્યો.. બચાવવામાં ગઈ 3 જિંદગીઓ

Hiralal

Last Updated: 09:26 PM, 12 October 2021

FOLLOW ON

શેર કરો

બિહારના નાલંદા જિલ્લામાં ધનાયન નદીમાં ડૂબવાને કારણે 4 નાની છોકરીઓના મોત થતા આજુબાજુના પંથકમાં શોકનું મોજું ફરી વળ્યું છે.

બિહારના નાલંદા જિલ્લાની ઘટના
ધનાયન નદીમાં ડૂબવાને કારણે 4 નાની છોકરીઓના મોત
નદીમાં કપડા ધોવા ગઈ હતી 4 નાની બાળાઓ
પગ લપસતા એક બાળા નદીમાં પડી
પડેલી બાળાને બચાવવા માટે 3 સહેલીઓ નદીમાં ઉતરી
આ દરમિયાન બની મોટી દુર્ઘટના, 4 ના થયા મોત

બિહારના નાલંદા જિલ્લામાં ધનાયન નદીમાં 4 બાળકો કપડા ધોવા માટે ગઈ હતી. આ દરમિયાન એક બાળકીનો પગ લપસતા તે નદીમાં પડી ગઈ હતી. આ જોઈને તેની 3 સહેલીઓ પણ તેને બચાવવા માટે નદીમાં કૂદી પડી હતી. પરંતુ અબોધ અવસ્થામાં ઉપાડેલું આ કદમ તેમને ભારે પડ્યું અને તરતા ન આવડતું હોવાને કારણે તેમના બધાના મોત થયા.

ઘટના બાદ ગામમાં માતમ
આ ઘટના બાદ આખા ગામ સહિત આજુબાજુના પંથકમાં માતમ છવાયો છે. જે બાળાઓના મોત થયા છે તે તમામ 11 થી 13 વર્ષની હતી. તેમની ઓળખ 13 વર્ષીય સીતા કુમારી, 11 વર્ષીય સરિતા કુમારી ,12 વર્ષની સોનમ કુમારી અને 13 વર્ષીય રાખી કુમારી તરીકે થઈ છે.

‎એક સહેલીને બચાવવા જતા 3 બાળાઓ ડૂબી
કપડા ધોતી વખતે અચાનક પગ લપસતા એક બાળા નદીમાં ઉથલી પડી હતી. તેને બચાવવાના પ્રયાસમાં બાકીની 3 બાળાએએ પણ વગર વિચાર્યે પાણીમાં ધૂબાકો મારી દીધો. અને આ દરમિયાન તેઓ ઊંડા પાણીમાં ગરકાવ થઈ હતી અને મરણ પામી હતી. તંત્ર દ્વારા છોકરીઓની લાશ પાણીમાંથી બહાર કાઢવામાં આવી હતી.

સંકળાયેલા મુદ્દાઓ

bihar nalnada news bihar river incident drowing in river નદીમાં ડૂબવાને કારણે મોત બિહાર નાલંદા ન્યૂઝ બિહાર રિવર દુર્ઘટના bihar nalnada incident