દુઃખદ / સનમ બેવફા જેવી સુપરહિટ ફિલ્મના ડાયરેક્ટર સાવન કુમાર ટાકનું 86 વર્ષની ઉંમરે નિધન, ઉધાર માંગીને કરી હતી કરિયરની શરૂઆત

• બૉલીવુડ ડાયરેક્ટર-પ્રોડ્યુસર સાવન કુમાર ટાકનું નિધન 
• હાર્ટ એટેકને કારણે થયું નિધન 
• સલમાન ખાને પણ કર્યું ટ્વિટ 

બૉલીવુડ ડાયરેક્ટર-પ્રોડ્યુસર સાવન કુમાર ટાકનું નિધન 

બૉલીવુડનાં ફેમસ ડાયરેક્ટર-પ્રોડ્યુસર સાવન કુમાર ટાકનું 86 વર્ષની ઉંમરમાં હાર્ટ એટેકને કારણે નિધન થયું છે. તેમને હૃદય સાથે સંબંધિત સમસ્યાઓ હતી અને લાંબા સમયથી બીમાર પણ હતાઆ. 24 ઓગસ્ટનાં રોજ તકલીફ વધ્યા બાદ તેમને મુંબઈનાં કોકિલાબેન હોસ્પિટલમાં ભરતી કરવામાં આવ્યા હતા. અહીં જ તેમને અંતિમ શ્વાસો લીધા. 

સાવન કુમાર ટાકના ભત્રીજા અને પંજાબી ફિલ્મ પ્રોડ્યુસર નવીને એક ઇન્ટરવ્યૂમાં જણાવ્યું કે સાવનજીને ગઇકાલે સાંજેલગભગ સવા ચાર વાગ્યે હાર્ટ એટેક આવ્યો હતો અને મલ્ટિપલ ઓર્ગન ફેલિયરને કારણે તેમનું મૃત્યુ થયું છે. અંતિમ સંસ્કાર 26 ઓગસ્ટનાં રોજ પવન હંસ શમશાન ઘાટમાં કરવામાં આવશે. 

આજીવન રહ્યા કુંવારા 
જણાવી દઈએ કે સાવન કુમાર ટાક જીવનભર કુંવારા રહ્યા હતા. તેમણે લગ્ન ન હોતા કર્યા. પરિવારમાં તેમના ઉપરાંત 3 બહેનો અને એક ભાઈ છે. ટાકે પોતાની કરિયરની શરૂઆત એક ફિલ્મ ડાયરેક્ટર તરીકે કરી હતી. ત્યાર બાદ તેમણે ઘણી ફિલ્મો પ્રોડ્યુસ પણ કરી હતી અને એક ગીતકાર તરીકે પણ કામ કર્યું હતું. 

May u rest in peace my dear Sawaan ji. Have always loved n respected u. pic.twitter.com/SH3BhYxco8

— Salman Khan (@BeingSalmanKhan) August 25, 2022

ઉધાર લઈને બનાવી હતી પહેલી ફિલ્મ 
એક જૂના ઇન્ટરવ્યૂમાં સાવને જણાવ્યું હતું કે તેમણે પોતાની પહેલી ફિલ્મ 'નૈનિહાલ' 25 હજાર રૂપિયા ઉધાર લઈને બનાવી હતી. આ ઉધાર તેમણે પરિવારના જ એક સદસ્ય પાસેથી લીધો હતો. તેમણે જણાવ્યું કે વર્ષ 1965માં તેઓ મુંબઈ આવ્યા હતા. અહીં 2-3 સ્ટુડિયોમાં તેમણે કિસ્મત અજમાવી, પરંતુ ક્યાંય તક મળી નહીં. ત્યાર બાદ તેમણે ખુદ કંઇ કરવાનો નિર્ણય લીધો. પોતાની બહેન પાસેથી 25 હજાર રૂપિયા ઉધાર માંગ્યા. બહેને તો ના પાડી દીધી હતી. તેમની પાસે આઇડિયા તો પહેલાથી જ હતો. આ પ્રકારે તેમણે કરિયરની શરૂઆત કરી હતી. 

જણાવી દઈએ કે નૈનિહાલ બાદ સાવને એકઠી ચઢિયાતી એક ફિલ્મ બનાવી હતી, જેમાંઆ સનમ બેવફા, સૌતન, સાજન બીના સુહાગન જએવી હિટ ફિલ્મો પણ સામેલ છે. આ ઉપરાંત તેમણે ઘણા ગીતોના બોલ પણ લખ્યા હતા. 

#rip Mamaji #Saawankumartak will miss you always 🙏 https://t.co/9mxaEXKB04

— Hoshang Govil (@GovilHoshang) August 25, 2022

સલમાન ખાને પણ કર્યું ટ્વિટ 

જણાવી દઈએ કે સાવન કુમાર ટાકનાં નિધન પર બૉલીવુડની ઘણી હસ્તીઓએ શોક વ્યક્ત કર્યો છે. ટાકની ફિલ્મ સંયમ બેવફામાં કામ કરી ચૂકેલ સલમાન ખાને એક થ્રો બેક તસવીર પણ શેર કરી છે અને લખ્યું છે કે ઈશ્વર તમને પોતાના ચરણોમાં સ્થાન આપે, હંમેશા તમારો આદર અને સમ્માન કર્યું છે.