નર્મદા / વિદેશમંત્રી એસ જયશંકર વિદ્યાર્થીની જેમ બેન્ચિસ પર બેસી ભણવા લાગ્યા, શિક્ષક હાંફળાફાંફળા, એકતાનગરમાં ચાલતી ITIનો વીડિયો

• વિદેશમંત્રી એસ જયશંકર એકતા નગરની મુલાકાતે
• એકતાનગર ખાતે ચાલતી ITIની મુલાકાત લીધી
• વિદેશમંત્રી વિદ્યાર્થીઓ સાથે બેન્ચિસ પર જોવા મળ્યા

કેન્દ્રીય વિદેશમંત્રી એસ જયશંકર નર્મદા જિલ્લાની મુલાકાતે છે તેઓ એકતા નગર ખાતે ચાલતી ITIની મુલાકાત લીધી હતી તેમજ મુલાકાત દરમિયાન વિદેશમંત્રી વિદ્યાર્થીઓ સાથે બેસી શૈક્ષિક બાબતનું નિરક્ષણ કરતા જોવા મળ્યા હતાં. વિદ્યાર્થીઓ માટે મુકેલ બેન્ચિસ પર બેસી ગયા અને શિક્ષકને ભણાવવાનું ચાલું રાખવા જણાવ્યું હતું. બાળકો ને પણ કેન્દ્રીય મંત્રી એ કેટલીક સલાહ આપી હતી.

આઈટીઆઈ કોલેજની મુલાકાત
કેન્દ્રીય વિદેશમંત્રી એસ જયશંકર ગુજરાતમાં નર્મદા જિલ્લામાં ચાલતી આઈટીઆઈ કોલેજની મુલાકાત લીધી હતી તેમજ તેઓ ક્લાસ રૂમમાં વિદ્યાર્થી સાથે બેસીને વિદ્યાર્થીઓને અપાતા શિક્ષણની તપાસ કરી હતી તેમજ જરૂરી સૂચનો પણ આપ્યા હતાં. વિદેશમંત્રી એસ જયશંકર વિદ્યાર્થીની જેમ બેન્ચિસ પર બેસી ભણવા લાગ્યા હતા ત્યારે શિક્ષક પણ હાંફળાફાંફળા થઈ ગયા હતાં, એસ જયશંકરે શિક્ષિણને લઈ વિદ્યાર્થીઓને વિવિધ માર્ગદર્શન પણ આપ્યું હતું.

વિદેશ પ્રવાસ અંગે  શું કહ્યું ?
વિદેશ મંત્રીએ જણાવ્યું કે, વિદેશ પ્રવાસ અંગે જણાવ્યું હતું કે, ત્રણ દેશનો વિદેશ પ્રવાસ કર્યો છે ખાસ કરીને કૂટનીતિ અને રાજનીતિ પર વાત થાય પણ લોકો ભારતના પરિવર્તનની વાત કરે અને પરિવર્તન દેખાઈ રહ્યું છે છેલ્લા નવ વર્ષમાં સરકારની વિવિધ યોજનાઓના લાભ અમુક દેશની કુલ આબાદી જેટલી વ્યક્તિઓને મળ્યા છે. 15 કરોડ દેશવાસીઓને જેડીઇ જુદી યોજનાઓના લાભ આ સરકારે આપ્યા છે. છેલ્લા 9 વર્ષનું પરિવર્તનએ કેટલાય દેશના સમુહોને ભેગું કરે તેવું પરિવર્તન છે. બધી સગવડ અહીં મળતી થઇ છે જે પ્રધાનમંત્રી મોદીને આભારી છે.