NRI ન્યૂઝ / આ દેશોમાં વેકેશન ગાળવાનો પ્લાન હોય તો ખુશખબર, EUએ નિયમો કર્યા સાવ સરળ!

રજાઓ ગાળવા કે વિદેશ પ્રવાસે જતા લોકો માટે એક સારા સમાચાર છે. યુરોપિયન યુનિયને ભારતીયો માટે શેનઝેન વિઝાના નિયમોમાં નોંધપાત્ર રાહત આપી છે. જાણકારી અનુસાર ભારતીયો માટે વિઝાની વેલિડિટી 5 વર્ષ સુધીની હોઈ શકે છે. જોકે અમેરિકા પહેલાથી જ 10 વર્ષના વિઝિટર વિઝા આપે છે. શેનઝેન વિઝા પર યુરોપ જતા લોકોને ઘણી સમસ્યાઓનો સામનો કરવો પડતો હતો. લોકોને યુરોપના 27માંથી કોઈ પણ દેશમાં લાંબા સમય સુધી રોકાવું હોય તો વારંવાર વિઝા રિન્યુ કરાવવાનું ટેન્શન રહેતું હતું. આવી સ્થિતિમાં નવા નિયમો બાદ લોકોના પેપરવર્કમાં ઘણો ઘટાડો થશે.

પાસપોર્ટની માન્યતા પૂરતી હોય તો વિઝા લંબાવી શકાય છે.

બીજી તરફ  યુકે ઓછી ફી પર લાંબા ગાળાના વિઝિટર વિઝા આપે છે. EUએ પોતાના નિવેદનમાં કહ્યું કે, નવા વિઝા નિયમો અનુસાર ભારતીયોને બે વર્ષની વેલિડિટી સાથે લાંબા ગાળાના અને મલ્ટિ-એન્ટ્રી શેંગેન વિઝા જારી કરી શકાય છે. જો કે આ માટે છેલ્લા ત્રણ વર્ષમાં બે વિઝા મેળવવા જરૂરી છે. બે વર્ષના વિઝા પછી પાંચ વર્ષના વિઝા પણ મળી શકે છે. જો પાસપોર્ટની માન્યતા પૂરતી હોય તો વિઝા લંબાવી શકાય છે. આ સિવાય શેનઝેન વિઝા ધારક વિઝા ફ્રી દેશોની યાત્રા કરી શકે છે.

આ પણ વાંચોઃ લંડનમાં થશે અનંત-રાધિકાના લગ્ન, આલીશાન હોટલમાં તૈયારીઓ જોરશોર, પ્રી-વેડિંગથી મોટું ફંકશન

ભારત અને EU વચ્ચેના સંબંધોને મજબૂત કરવા રાહત અપાઇ 

યુરોપિયન કમિશને 18 એપ્રિલે નિયમોમાં ફેરફાર કર્યા બાદ વિઝા નિયમોમાં રાહત આપવામાં આવી છે.  આ કવાયત ભારત અને EU વચ્ચેના સંબંધોને મજબૂત કરવા માટે કરવામાં આવી છે.

90 દિવસમાં 29 દેશોની મુલાકાત લઈ શકાય છે

તમને જણાવી દઈએ કે હાલમાં ભારતીય પ્રવાસીઓને 90 દિવસ માટે શેનેઝેન વિઝા મળે છે.  90 દિવસમાં 29 દેશોની મુલાકાત લઈ શકાય છે. આ દેશોમાં બેલ્જિયમ, બલ્ગેરિયા, ક્રોએશિયા, ચેક રિપબ્લિક, ડેનમાર્ક, લિથુઆનિયા, લક્ઝમબર્ગ, હંગેરી, માલ્ટા, નેધરલેન્ડ, ઓસ્ટ્રેલિયા, પોલેન્ડ, પોર્ટુગલ, રોમાનિયા, સ્લોવેનિયા, સ્લોવેકિયા, ફિનલેન્ડ, સ્વીડન, આઈસલેન્ડ, નોર્વે અને સ્વિટ્ઝર્લેન્ડનો સમાવેશ થાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો