ભાગદોડ / માંગરોળ નજીક લગ્ન પ્રસંગમાં ફૂડ પોઈઝનિંગની અસર : એકી સાથે 30થી વધુ લોકોની તબિયત બગડતા તંત્ર દોડ્યું

• માંગરોળ નજીક લગ્ન પ્રસંગમાં ફૂડ પોઈઝનિંગ અસર
• કુકસવાડા ગામે લગ્નમાં 30થી વધુ લોકોને થઇ અસર
• તમામ લોકોને ચોરવાડની સરકારી હોસ્પિટલમાં ખસેડાયો

જુનાગઢના માંગરોળ નજીકના કુકસવાડા ગામે લગ્ન પ્રસંગમાં ફૂડ પોઈઝનિંગની ઘટના સામે આવી છે. જેમાં એક સાથે ૩૦ થી વધુ લોકોને ફૂડ પોઈઝિંગની અસર થયાનું સામે આવ્યું છે હાલ તો તમામ લોકોને ચોરવાડની સરકારી હોસ્પિટલમાં સારવાર માટે ખસેડવામાં આવ્યા છે. આરોગ્ય વિભાગની ટીમ ઘટના સ્થળે પોહોચી તમામલોકોના સેમ્પલ લેવાની કામગીરી કરી રહી છે. હજૂ સુધી ફૂડ પોઝનીંગનું ચોક્કસ કારણ જાણી શકાયું નથી. જોકે તંત્રના અધિકારીઓ દ્વારા તપાસનો ધમધમાટ આદરી દેવામાં આવ્યો છે.

આરોગ્યની ટીમ ઘટના સ્થળે પહોંચી
મહત્વનું છે કે હાલ લગ્નસરાની સિઝનને પગલે ઠેર ઠેર ભોજન સમારોહના આયોજન થઈ રહ્યા છે. ત્યારે જમણવારમાં સમસ્યાને લઈને ફૂડ પોઈઝનિંગ જેવી ઘટનાઓ સામે આવતી હોય છે ત્યારે લોકોએ સતર્ક રહેવું જરૂરી બન્યું છે જેમાં ખાસ કરીને જો ફૂટબોઈઝનીંગ થાય તો પ્રાથમીક ઉપાય સ્વરૂપે સફરજન વિનેગરમાં મેટાબોલિઝમ રેટને વધારવાનુ તત્વ હોય છે. ખાલી પેટે તેનુ સેવન કરવાથી તે ખરાબ બેક્ટેરિયાને મારવામાં મદદ કરે છે. ઉપરાંત તુલસીનું સેવન કરવું જોઈએ. જેમાં રહેલા એન્ટીબેક્ટેરિયલ ગુણો સુક્ષ્મ જીવો સામે લડે છે. તુલસીનુ સેવન તમે ઘણી રીતે કરી શકો છો. એક કટોરી દહીંમા તુલસીના પાંદડા, મરી અને થોડુ મીઠુ નાંખીને પણ ખાઇ શકો છો. પાણી કે ચા માં તુલસીના પાન નાખીને પણ પી શકો છો. 

દહીં ખાવું જોઈએ

દહીં એક પ્રકારનુ એન્ટીબાયોટિક છે. તેમાં થોડુ મીઠુ નાંખીને ખાવાથી પેટમાં રાહત થાય છે. પેટની કોઇ પણ સમસ્યા હોય ત્યારે ભુખ્યા રહીને માભ દહીં કે છાશ લેવામાં આવે તો ધીમે ધીમે પેટ સરખુ થવા લાગે છે. 

લસણ ખાવ

લસણમાં એન્ટી ફંગલ ગુણ હોય છે. તમે ખાલી પેટે લસણની કાચી કળીઓ પાણી સાથે ખાઇ શકો છો. તેનાથી પેટની કોઇ પણ સમસ્યામાં રાહત મળે છે. તમારો મેટાબોલિક રેટ પણ વધે છે.