આસ્થા / દેવાધિદેવ મહાદેવને પ્રસન્ન કરવા માટે આ રીતે કરો પૂજા, પૂરી થશે પ્રત્યેક મનોકામના

• શિવજી એક જ એવા ભગવાન છે તે અત્યંત ભોળા છે.
• હિન્દુ કેલેન્ડર મુજબ શ્રાવણ મહિનો આજથી એટલેકે 14 જુલાઇથી શરૂ થઈ ગયો છે
• મહાદેવને ખુશ કરવા માટે અમુક ખાસ ઉપાયો કરવાથી જલ્દી જ આશીર્વાદ મળે છે

દેવોના દેવ મહાદેવને પ્રસન્ન કરવા માટે શ્રાવણ મહિનાને ઉતમ માનવામાં આવ્યો છે. શિવજી એક જ એવા ભગવાન છે તે અત્યંત ભોળા છે. સાચા મનથી થોડીક જ ભક્તિથી તરત જ પ્રસન્ન થઇ જાય છે, ભક્તોની ઇચ્છા પૂર્ણ કરે છે અને આશિવાર્દ વરસાવે છે. સતયુગમાં પણ શિવજીએ ઘણા ભક્તોને સાક્ષાત્કાર દર્શન આપીને મહાન વરદાન આપેલાં છે. આ મહિનામાં ભક્તો મહાદેવની પૂજા કરે છે અને એમને ખુશ કરવાના પ્રયત્નો કરે છે. હિન્દુ કેલેન્ડર મુજબ શ્રાવણ મહિનો આજથી એટલેકે 14 જુલાઇથી શરૂ થઈ ગયો છે અને તે 12 ઓગસ્ટ સુધી ચાલશે. આ પવિત્ર શ્રાવણ માસમાં ભગવાન શિવને પ્રસન્ન કરવા માટે લોકો ઘણા ઉપાયો કરે છે પણ મહાદેવને ખુશ કરવા માટે અમુક ખાસ ઉપાયો કરવાથી જલ્દી જ આશીર્વાદ મળે છે. ચાલો જાણીએ શું છે એ ઉપાયો.. 

મહાદેવને ખુશ કરવાને ઉપાયો 
ભગવાન શિવને ખુશ કરવા માટે દરરોજ સૂર્યોદય પહેલા ઉઠીને નાહવાના પાણીમાં થોડું ગંગાજળ ઉમેરીને સ્નાન કરવું  જોઈએ. 
પછી તુરંત મહાદેવની પૂજા કરવી જોઈએ. 
શ્રાવણ મહિનામાં ભગવાન શિવને ખુશ કરવા દૂધ, દહીં, મધ વગેરે અર્પિત કર્યા પછી જળ જરૂર ચઢાવવું જોઈએ. 
તાંબાના લોટાથી અર્પણ કરવામાં આવેલ જળથી મહાદેવ તુરંત પ્રસન્ન થશે. 
ખાસ કરીને ભગવાન શિવની અડધી પરિક્રમા કરવી જોઈએ. 
સાથે જ સોમવરે વ્રત રાખવો જોઈએ. 
સોમવારના વ્રતની પૂજામાં ગંગાળજનો ઉપયોગ ખાસ કરવો જોઈએ. 
શ્રાવણ મહિનામાં મહાદેવની સાથે માતા પાર્વતી, ગણપતિ, કાર્તિકેય અને નાગ દેવતાની પૂજા ન કરવી જોઈએ. 

બીલીપત્ર
આમ તો શિવભક્ત ભસ્મ અને ભાંગ સહિત વિભિન્ન પ્રકારની પૂજા સામગ્રી ચઢાવી શિવજીને પ્રસન્ન કરવાની પ્રયાસ કરે છે પરંતુ શિવપુરાણમાં બીલી પત્રનું મહત્વ વિશે બતાવામાં આવ્યું છે કે તેને ચઢાવવાથી ભગવાન શંકરની વિશેષ કૃપા પ્રાપ્ત થાય છે.