અંબાજી / ગરબામાં એન્ટ્રી માટે માથે તિલક અને ગંગાજળનું આચમન જરૂરી', નવરાત્રી તથા લવજેહાદને લઇ ધીરેન્દ્ર શાસ્ત્રીનું મોટું નિવેદન

• યાત્રાધામ અંબાજીમાં ધીરેન્દ્ર શાસ્ત્રીનો દિવ્ય દરબાર 
• ધીરેન્દ્ર શાસ્ત્રી અને આયોજક પ્રવીણ કોટની પત્રકાર પરિષદ
• ધીરેન્દ્ર શાસ્ત્રી હિંદુઓને જગાડવા અને એકત્રિત કરવા કરશે પગપાળા યાત્રા

અંબાજીમાં કથા બાદ બાબા બાગેશ્વર ધામનાં ધીરેન્દ્ર શાસ્ત્રીનાં દિવ્ય દરબાર પહેલા ધીરેન્દ્ર શાસ્ત્રી તેમજ આયોજક પ્રવીણ કોટક દ્વારા એક પત્રકાર પરિષદનું આયોજન કરવામાં આવ્યું હતું. જેમાં બાગેશ્વર ધામનાં ધીરેન્દ્ર શાસ્ત્રીએ કહ્યું હતું કે હિંદુઓને જગાડવા અને એકત્રિત કરવા તેઓ પગપાળા યાત્રા કરશે. 

મારી અરજી માં અંબા એ સ્વીકારી - ધીરેન્દ્ર શાસ્ત્રી
યાત્રાધામ અંબાજી ખાતે ધીરેન્દ્ર શાસ્ત્રીનો દિવ્ય દરબારનું આયોજન કરવામાં આવ્યું હતું. ધીરેન્દ્ર શાસ્ત્રી અને આયોજક પ્રવિણ કોટક દ્વારા પત્રકાર પરિષદમાં જણાવ્યું હતું કે, સનાતન એજ જીવનનો રસ્તો છે. તેનાથી જ વિશ્વમાં શાંતિ થશે. તેમજ ધીરેન્દ્ર શાસ્તીર ભારતભરમાં પગપાળા યાત્રા કરશે. હિંદુઓને જગાડવા અને એકત્રિત કરવા પગપાળા યાત્રા કરશે. મારે ત્યાં બધાની અરજી સ્વીકાર થાય છે. મારી અરજીમાં અંબાએ સ્વીકારી છે. 

ગરબામાં ગૌ મૂત્ર તેમજ ગંગાજળ પીવડાવીને પ્રવેશ આપવો જોઈએ - ધીરેન્દ્ર શાસ્ત્રી
હાલ રાજ્યમાં વધતા જતા લવ જિહાદનાં કિસ્સાઓને લઈ ધીરેન્દ્ર શાસ્ત્રીએ જણાવ્યું હતું કે, લવ જિહાદ સ્કૂલ-કોલેજમાં ફેલાઈ રહ્યું છે. તેમજ નવરાત્રીમાં ગરબામાં આવનાર મુસ્લિમ યુવકો પર પ્રહાર કર્યો હતો. ભાઈચારાના નામે આવતા મુસ્લિમ યુવકો પોતાની બહેનોને પણ ગરબામાં લાવી બહેનચારો પણ કરે. તેમજ ગરબામાં આવતો લોકોને ગંગાજળ તેમજ ગૌ મૂત્ર પીવડાવીને પ્રવેશ આપવો જોઈએ.