આસ્થા / વિનાયક સંકષ્ટી ચતુર્થી: જીવનની તમામ સમસ્યાઓથી મેળવવો છે છૂટકારો! તો આજના દિવસે ગણપતિને કરો આ રીતે પ્રસન્ન

• ચતુર્થીનું અલગ મહત્ત્વ હોય છે
• આજે વિધ્નરાજ સંકષ્ટી ચતુર્થી
• આ દિવસે ગજાનની પૂજા કરવાથી પરેશાની દૂર થાય છે

હિંદુ પંચાંગ અનુસાર દર મહિને બે વાર ચતુર્થી ઊજવવામાં આવે છે. ચતુર્થીનું અલગ મહત્ત્વ હોય છે. આજે વિધ્નરાજ સંકષ્ટી ચતુર્થીનું વ્રત રાખવામાં આવશે. દક્ષિણ ભારતમાં આ વ્રતને ગણેશ સંકટહરા અથવા સંકટહરા ચતુર્થીના નામથી ઓળખવામાં આવે છે. ધાર્મિકશાસ્ત્રો અનુસાર સંકષ્ટી ચતુર્થીના દિવસે ગણપતિ બાપ્પાની સાચા મનથી પૂજા કરવામાં આવે તો નકારાત્મક ઊર્જા દૂર રહે છે. નાણાંકીય પરેશાનીનો સામનો કરવો પડતો નથી. 

સંકષ્ટી ચતુર્થી 
આજે સાંજે 7:36 વાગ્યાથી સંકષ્ટી ચતુર્થીની શરૂઆત થશે અને આવતીકાલે 6:11 વાગ્યે સંકષ્ટી ચતુર્થીનું સમાપન થશે. 

સંકષ્ટી ચતુર્થી ઉપાય

• આજે સંકષ્ટી ચતુર્થીના દિવસે ગણપતિ બાપ્પાની મૂર્તિ ઘરે લાવો. વિધિપૂર્વક આ મૂર્તિની પૂજા કર્યા પછી ગણેશ ભગવાનને હળદરની 5 ગાંઠ અર્પણ કરો. આ પ્રકારે કરવાથી મનોકામના પૂર્ણ થાય છે.
• તમામ કાર્ય પૂર્ણ કરવા માટે ગણેશ યંત્રને લાભકારી માનવામાં આવે છે. માનવામાં આવે છે કે, ગણેશ યંત્ર સ્થાપિત કરવાથી ઘરમાં સકારાત્મક વાતાવરણ રહે છે. સંકષ્ટી ચતુર્થીના દિવસે ગણેશ યંત્ર લાવવાથી શુભ પરિણામ પ્રાપ્ત થાય છે. 
• સંકષ્ટી ચતુર્થીના દિવસે 108 વાર ગણેશ મંત્રનો જાપ કરવાથી ઘરમાં શાંતિ રહે છે. 

'वक्रतुण्डाय हुं' 
ऊँ गं गणपतये नमो नमः
ऊँ वक्रतुण्ड महाकाय सूर्य कोटि समप्रभ। निर्विघ्नं कुरू मे देव, सर्व कार्येषु सर्वदा ॥
ऊँ एकदन्ताय विहे वक्रतुण्डाय धीमहि तन्नो दन्तिः प्रचोदयात् ॥

• દેવું ઓછું કરવા માટે ગણેશજીને ગોળ અને ઘીનો ભોગ ધરાવો. હવે તે ભોગ ગાયને ખવડાવી દો. આ ઉપાય કરવાથી જીવનમાં સકારાત્મક પરિણામ જોવા મળી શકે છે. 
• નોકરી, બિઝનેસ તથા વિવાહમાં પરેશાનીનો સામનો કરવો પડી રહ્યો છે, તો તેના માટે આ ઉપાય કરવા જોઈએ. વિવાહમાં પરેશાની થઈ રહી છે, તો ગણપતિ બાપ્પાને ગોળની 21 ગોળીઓ અને દુર્વા અર્પણ કરો. આ પ્રકારે કરવાથી શીઘ્ર વિવાહનો યોગ બને છે.