Video / અમદાવાદમાં બાધા માટે હજારોની ભીડ : પોલીસે કરી કડક કાર્યવાહી, સરપંચ સહિત આટલાની ધરપકડ

• કોરોનાને હરાવવા આંધળી દોટ
• લોકો બાધાનો સહારો લઈ રહ્યા છે
• બળિયાદેવની પૂજામાં હજારોની સંખ્યામાં લોકો એકઠા થયા

હજારોની સંખ્યામાં લોકો માસ્ક અને સામાજિક અંતર વગર એકઠા થયા

એક તરફ જ્યાં ગુજરાતની જનતા કોરોના વાયરસના કારણે પીડાઈ રહી છે તથા લોકોને માસ્ક અને સોશ્યલ ડિસ્ટન્સ જાળવવા માટે અપીલ કરવામાં આવી રહી છે ત્યાં બીજી તરફ અમદાવાદના ગ્રામ્ય વિસ્તારમાં આસ્થાના નામે કોરોના વાયરસના નિયમોનો ભંગ કરવામાં આવી રહ્યો છે. 

સાણંદના નિધરાડ અને નવાપુરામાં લોકોએ જળયાત્રા કાઢી હતી

કોરોના વાયરસને હરાવવા માટે લોકોમાં અંધશ્રદ્ધા વધી રહી છે. કોરોના વાયરસને દૂર કરવા માટે ગામના લોકોએ બળિયાદેવની બાધા રાખી હતી. એવામાં સાણંદના નિધરાડ અને નવાપુરા ગામના લોકોએ બળિયાદેવની બાધા માટે જળયાત્રા કાઢી હતી. આ જળયાત્રામાં ડીજેના તાલ સાથે સેંકડોની સંખ્યામાં મહિલાઓ ભેગી થઈ હતી. 

ગ્રામ્ય વિસ્તારમાં લોકો બાધા રાખી રહ્યા છે

પૂજા વિધિમાં સોશ્યલ ડિસ્ટન્સનો ખુલ્લેઆમ ભંગ કરવામાં આવ્યો હતો અને સામાજિક અંતરનું પણ ભંગ કરવામાં આવ્યો હતો. ગામના લોકોએ માસ્ક પણ પહેર્યું હતું નહીં. એવામાં આ કાર્યક્રમનો વીડિયો સોશ્યલ મીડિયામાં ખૂબ વાયરલ થઈ રહ્યો છે. 

23 લોકોની ધરપકડ કરવામાં આવી 

અમદાવાદના ગ્રામ્યના DYSPએ આપેલ જાણકારી અનુસાર કોરોના વાયરસના નિયમોનો ભંગ બદલ પોલીસ દ્વારા કડક કાર્યવાહી કરવામાં આવી રહી છે. સરપંચ સહિત 23 લોકોની આ મામલે ધરપકડ કરવામાં આવી છે. 

ગુજરાત સહિત આખા ભારતમાં કોરોના વાયરસની બીજી ઘાતક લહેર ચાલી રહી છે. દરરોજ હજારોની સંખ્યામાં લોકો મોતને ભેટી રહ્યા છે તથા લાખોની સંખ્યામાં નવા કેસ સામે આવી રહ્યા છે. દેશભરમાં ઑક્સીજનથી લઈને બેડની અછત ઊભી થઈ ગઈ છે, અને દર્દીઓ સુવિધાના અભાવે મોતને ભેટી રહ્યા છે. ગુજરાતમાં પણ પરિસ્થિતિ ગંભીર છે.